Cont zij allen lieden dat jan bone sone wijle(n) willems/ woenen(de) te sinte pet(er)srode in p(rese)ncia heeft genome(n) ende bekint/ genome(n) te hebben van jouffr(ouwe) elsen py(n)nocx wed(uwe) willems/ wijle(n) van daelhe(m) thoff ende [de] goede te sinte pet(er)srode voirs(creven)/ gelegen geheeten te tuene(n) te houde(n) te hebben(e) en(de) te/ wynne(n) van half mey lestleden den t(er)mijne van drie/ jae(re)n lang v(er)volgen(de) elcx jairs d(aer)enby(n)nen om de/ wy(n)nen(de) lande om en(de) voe(r) xxv mudd(en) rocx love(n)scher/ mate(n) jairlijx int voirs(creven) hoff te leve(re)n ende [oic] twee halste(re)n/ eerte(n) ende voir de thien pont vlae(m)s jairlijx xvi stuv(er)s/ It(em) voirt sal de wy(n)ne hebbe(n) den boegaert te tuene(n)/ mette(n) oefte en(de) met allen de(n) beemde(n) nu toebehoiren(de) den/ goed(en) te tuene(n) om ende voe(r) xxxi r(inssche) gulden(en) te xx st(uvers)/ tstuck It(em) sal de voirs(creven) wy(n)ne ten ynde van sijne(n) t(er)mijne/ besaidt laten met rogge die groote kemp(a)gne en(de) hij sal/ besayen met somer core(n) dat groot block ende dat cleyn/ block en(de) (½) boender bove(n) tcleyn bloc noch drie dach(mael)/ ond(er) americke py(n)nocx bosch nu toebehoiren(de) hee(re)n lod(ewijcke) py(n)noc/ ridde(r) meye(r) van loeven(e) aend(en) steenberch noch een stuck/ lants aent tveken vand(en) steenberghe en(de) een stuck/ lants aen scildeken ende de voirs(creven) wy(n)ne sal alle/ de brake eens o(m)me doen ten afsceid(en) van sijne(n) t(er)mijne/ Voirt sal hij alle de huyse houd(en) van wande en(de) daken/ uutgescieden tiekendach [tiecheldac] ende de wy(n)ne en sal niet/ plecken aen tiekehuys It(em) m(ijn) jouffr(ouwe) sal latten en(de) alle/ yse(re)n werck(en) betale(n) en(de) waert datme(n) dair yet van/ nieus dede ty(m)me(re)n dat sal m(ijn) jouffr(ouwe) op hue(re)n coste moete(n)/ doen alsoe wel van daken als van ty(m)me(re)n It(em) de/ voirs(creven) wy(n)ne sal ten lesten jae(re) den boegaert mette(n) elsbroeck/ moege(n) eetten tot half meye ende dan wel v(er)maect/ laten en(de) m(ijn) jouffr(ouwe) sal jairlijx hue(re)n wy(n)ne(n) geven
//
oft cortten xxx stuv(er)s inde stat van vijf elle(n) lakens It(em)/ als de wy(n)ne wilt mergele(n) hale(n) soe sal m(ijn) jouffr(ouwe) den/ mergel opden putte betalen It(em) sal de voirs(creven) wy(n)ne/ jairlijx sijne(n) t(er)mijn due(re)nde m(ijn) jouffr(ouwe) doen een carweyd(e)/ van hue(re)n broetcore(n) thuys te vuere(n) It(em) sal de voirs(creven)/ wy(n)ne moete(n) aenhalen ty(m)merhout calck en(de) tiechle(n)/ die m(ijn) jouffr(ouwe) aen tvoirs(creven) hoff behoeve(n) sal It(em) sal/ de selve wy(n)ne den beempde te claerwijck ryolen en(de)/ als m(ijn) jouffr(ouwe) cnape te rode compt en(de) aen thoff/ te doen heeft eene(n) dach oft eene(n) nach sal hij he(m)/ den cost geve(n) ende m(ijn) jouffr(ouwe) sal hue(re)n wy(n)ne(n) doen/ hebben op dat dat niet gedaen en es dlant te/ uulenberch ontrint drie dach(mael) groote It(em) sal de wy(n)ne/ voirs(creven) den wegen doen maken ende de beken v(er)vegen/ en(de) hij sal hebben de berri(n)gen opt goede wassen(de) van/ scaerhout sond(er) opgaende hout [sal oic hebben] alle v(er)droeghde oeft/ bome des sal hij voir elc setten en(de) plante(n) twee/ jonge bome(n) Ende alle dese vorweerd(en) ind(e) su(n)t fideiuss(ores)/ dicti coloni ind(ivisim) joh(ann)es gheerams et jacobus bone/ f(rate)r dicti coloni Et p(ri)m(us) cor(am) py(n)nock thenis nove(m)br(is)/ vi[ta]