SAL7380, Akte: R°165.2 (327 van 904)
Akte R°165.2
Act
Datum: 1486-11-21
Taal: Nederlands
Transcriptie
2021-07-11 door Jef WillemsensIt(em) is den voirs(creven) brief bekint den voirs(creven) twee p(er)sone(n) te dier/
meyni(n)gen en(de) opde vuege naebescr(even) te weten(e) dat de/
selve jan en(de) pauwel hen sullen moege(n) doen leyde(n) totte(n) goede(n)/
naebescr(even) den voirs(creven) bekinde(re)n toebehoiren(de) Te weten(e) ierst/
totte(n) huyse en(de) hove mette(n) boeg(ar)de en(de) allen sijne(n) toebehoirte(n)/
gelege(n) te kelfs ond(er) wackerzeele neve(n) arnts bastijns goede/
It(em) tot drie dach(mael) wynnents lants gelegen tegen ov(er) tvoirscr(even)/
huys neve(n) de goede d(er) kinde(re)n lobs en(de) jans m(er)garts It(em)/
tot eene(n) dach(mael) weyen gelege(n) inde lynderbeemde neve(n) de goede/
he(re)n jans vande(n) panhuyse It(em) tot vijf dach(mael) lants gelegen te/
breetzijp tussche(n) de goede arnts vand(er) heyden geheete(n) den rey/
en(de) de strate ald(aer) It(em) tot eene(n) halve(n) boend(er) lants gelege(n)/
te thieldonck naist den goede(n) d(er) kinde(re)n vande(n) berghe voirs(creven)/
It(em) noch tot eene(n) halve(n) dach(mael) lants gelegen te kelfs neve(n)/
de goede d(er) kinde(re)n vanden berghe voirscr(even) Om de voirs(creven)/
vi r(inssche) gul(den) te lx pl(a)c(ken) tstuck d(aer) aen te v(er)halen met allen/
coste(n) en(de) co(m)me(re) die dair op souden moege(n) loepe(n) ende/
niet voirde(r) cor(am) eisd(em)
Nagekeken door: kristiaan magnus
Moderator: kristiaan magnus
Laatste update:: 2017-04-03 door Claire Dejaeger