Achtervolgen(de) der submissien gesciet voir scepen(en) va(n) loven(e) t(er)cia julii/ lestleden en(de) den prolongacien en(de) continuacien d(er) selver hebben/ de arbit(er)s inder submissien begrepen hue(r) eendrechtige uuytsprake/ gedaen inder manie(re)n naebescr(even) Te weten(e) inden yersten soe sal/ de voirscr(even) jacop dragen en(de) betalen vanden halve(n) jae(re) dat hij/ inden moele(n) gewoent heeft den p(ro)p(ri)etar(ise) vander selver moele(n)/ tussche(n) dit en(de) bynne(n) acht dagen naestcomen(de) de so(m)me van/ thien sacken rox ende een zister vilvoerscher mate(n) zoe v(er)re/ hij die niet betaelt en heeft Ende zoe v(er)re den selve(n) v(er)schenen(en)/ pacht meer gedragen soude moege(n) dan de so(m)me voirs(creven) d(aer)aff/ sal willem vuyen jacoppe(n) ontlasten aenden selve(n) p(ro)p(ri)etar(ise)/ Ende d(aer)toe sal willem vuyen noch jacoppe(n) betalen de/ so(m)me van vi r(inssche) gul(den) te lx pl(a)c(ken) ten tijde als jacop sal/ hebbe(n) gedaen bewijssenisse vander betalingen d(er) voirs(creven) x sack(en)/ ende een zister en(de) niet eer Behalve(n) oick jacoppe(n) zij(n) actie/ vanden vlasse vruchten en(de) anders wesen(de) tsijne(n) afscheyden(en) ind(en)/ bivange vander moele(n) aende ghene die hem die ontvremt/ hebben Ende h(ier)mede sullen p(ar)tien te vreden zij(n) en(de) va(n) dese(n)/ saken noch des dien aencleven mach ne(m)mermeer moeyen/ moleste(re)n noch vexe(re)n in gheene(n) rechte gheestelijck noch/ weerlijck noch dair buyten in e(n)niger wijs liefk(enrode) hoeven/ julii xvii