Nae dien dat op heden bijden rade vand(er) stat zij(n) gecompareert/ peter ewarts sinte pet(er)sma(n) van loven(e) ende e(n)nige vand(en) gedeput(er)d(en)/ der stat van lye(re) aldair de voirscr(even) pet(er) beg(er)de navolgende den/ brieve(n) aenden offic(ie)r van lye(re) gescr(even) dat hem wed(er)om gerestitueert/ soude worde(n) alsulk(er) vat met bye(n) en(de) ande(re) pande(n) als hij hem/ afgenome(n) hadde en(de) dat yerst en(de) voir al D(aer) tegen de voirscr(even)/ gedeput(er)de hebben te kynne(n) gegeve(n) hoe dat de voirscr(even) peter/ zeker bier innegeleght hadde en(de) dat van buyte(n) der vrih(eit) va(n)/ lye(re) gebrouwe(n) in (contra)rien d(er) stat ordinan(cien) rechte en(de) p(ri)vilegien/ d(aer)op gemaect mids den welke(n) de selve pet(er) tvoirscr(even) bier nade
//
selve ordina(n)cie verbuert hadde ende oick eene(n) kuer van twee/ pet(er)s oft d(aer)omtrent Seggen(de) datmen de selve ordinan(cie) aldair/ over eene(n)yegelijck(en) alsoe costume(re)nde was hopen(de) dat hij/ d(aer)toe bedwongen soude worde(n) de(n) selve(n) kuer op te leggen(e) en(de)/ te betalen(e) bege(re)nde want d(er) stat assizen aenginge d(aer)aff cort/ beslicht en(de) appointeme(n)t op dwelck de voirs(creven) pet(er) bijder stadt/ ap(ar)t gehoirt zijnde en(de) h(ier) van int lange onderwese(n) genoech/ ky(n)nende tvoirs(creven) bier innegelegt en(de) buyte(n) gebrouwe(n) te zijne/ Es den selve(n) p(ar)tien h(ier)op gelet zijnde uuytgesproke(n) ende/ get(er)mineert dat de voirscr(even) pet(er) nae zijns selfs beky(n)ne(n) sculdich/ sal zij(n) mett(er) stat va(n) lye(re) tovercome(n) vanden kue(re) voirs(creven) ende/ es gebeden den selve(n) gedeput(er)den dat zij d(aer)aff alsulk(en) rappoirt/ souden willen doen om voirts met hem te leven(e) die(n) ae(n)gaen(de)/ als dat hij reden(en) soude moegen hebben d(aer)aff te vreden te stane/ In cons(ili)[o] op(idi) julii xviii