It(em) henrick vand(er) horst als p(ro)cur(eur) van jouffr(ouwe) katlijne(n) lombairts/ beghijne in p(rese)ntia heeft gekint en(de) gelijt dat jan mol van/ mechlen inden name en(de) van wegen roelants vand(er)loo bij/ riguer va(n) rechte soe vii mudde va(n) executie(n) ov(er) desselfs/ roelants goede uut crachte va(n) beleyde zoe and(er)ssins gesciet/ heeft afgequijt met vollen pachte en(de) oic mette(n) costen va(n)/ rechte die d(aer)om gedaen wae(re)n alsulcken twee pet(er)s erflic/ als de voirs(creven) jouffr(ouwe) katlijne lombarts met scepen(en) brieve(n) va(n)/ loven(e) vand(er) daet xiiii[c] lxxx dece(m)br(is) xxi hadde opden/ voirs(creven) roelande vand(er)loo sone willems jacoppe bet(er)mans/ als p(ri)ncipale sculde(re)n en(de) ja(n)ne va(n) borre als borghe der/ selver p(er)sone(n) Scelden(de) volcomelijc quijt den voirs(creven) roe/ lande en(de) jacoppe en(de) goede geloven(de) he(n) ne(m)mermeer aen/ te spreken in gheene(n) rechte gheestelijc noch weerlijc sed/ war(andizare) erga quoscu(m)q(ue) cor(am) liefkenrode tybe scab(inis) decembr(is)/ xv