Vander questien geport voe(r) den rade vand(er) stat tussche(n) he(re)n jacope/ van glymes ridder bailluy vanden walsche(n) lande van brab(ant) hem/ toegevuecht pirart he(r)dial meye(r) van sart mons(ieu)[r] guilla(m)me ter/ eender zijden en(de) ja(n)ne pole poirte(r) va(n) loven(e) t(er) ande(re) om zeke(re)/ bet(er)nissen kue(re)n en(de) brueken die de voirscr(even) officie(re)n hem eysschen(de) ware(n)/ van ongehoirsamh(eiden) In dien dat hij vanden goede(n) ma(n)nen gemeynlijck/ vand(en) drie heerlich(eiden) onder court saint estienne met meer ande(re)n gecose(n)/ zijnde pyonnier inde reyse van vlaende(re)n uuyt mandeme(n)ten m(ijns)/ gened(ichs) he(re)n ongehoirsam geweest heeft en(de) he(m) afhendich gehouden/ zonder d(aer) inne te obedie(re)n en(de) oick om de costen ind(er) sak(en) bijd(en) selve(n)/ officie(re)n te div(er)sen tijden ende stonden geleden de welke de bailluy/ estimeerde alleene voe(r) de zijne op xx r(inssche) gul(den) Ende hoewel/ de voirscr(even) meye(r) die trenvoy hadde versocht tegen den poirte(re)
//
want mijns gened(ichs) he(re)n dienst aenginck en(de) de scepen(en) va(n) loven(e)/ gewesen hadden den selve(n) meye(r) d(aer)aff v(er)doelt soe hadde de/ voirs(creven) bailluy soe hij seyde verworve(n) d(air) tege(n) zeke(re) mandeme(n)te/ va(n) r(e)lieveme(n)te d(air)mede hij den poirte(re) meynde te moleste(re)n tot/ ande(re)n plaetse(n) Heeft den raet vander stat aenden voirs(creven) bailluy/ ende meye(re) nae dat zij hue(re)n eysch gegroest hebbe(n) op eene(n) wech/ sint jacops en(de) op alle de costen inder saken gelede(n) en(de) d(air)enbove(n)/ op seke(re) honnourable ame(n)de h(ier)nae bescr(even) te weten(e) dat de/ selve poirte(r) bervoet ende bloots hoots met eender berrender/ wessender keersse(n) inde hant ter manissen vand(en) bailluy oft zijne(n)/ geco(m)mitteerden op eene(n) heyligen dach bidden sal den selve(n) mijne(n)/ hee(re) oft zijne(n) d(aer)toe geco(m)mitteerde(n) in zijne(n) name v(er)gheffenisse/ vand(er) ongehoirsamh(eit) bij he(m) geco(m)miteert int stuck vande(n) dienste/ van pyonnier en(de) d(air)nae soe gaen mett(er) selver berrender keersse(n) inder/ processien te court s(ain)t estienne en(de) die offe(re)n inde kerke aldair/ Soe vele gedae(n) en(de) oick aenden voirs(creven) poirte(re) om alle rigeur coste(n)/ moeytten en(de) lasten te schouwen(e) dat zij in wed(er)zijde(n) hen gedrage(n)/ hebben totten mi(n)lijcken appointeme(n)te vand(en) voirs(creven) rade die welke/ p(ar)tien int lange gehoirt hue(r) appointeme(n)t gedaen hebben inder/ manie(re)n h(ier)nae volgen(de) Te weten(e) dat de voirs(creven) jan pole doen/ en(de) porren sal bynnen vi weken nae de eendrechtige manisse/ vand(en) voirs(creven) bailluy en(de) vand(er) stat va(n) loven(e) t(er) bet(er)nissen eenen/ wech straesborch en(de) d(air)aff goede waerh(eit) bringe(n) Ende voirt doe(n)/ de voirs(creven) honnourable bet(er)nisse bijden bailluy geeyscht En(de) voir/ alle de costen inder saken gedaen tussche(n) oft bij wien dat zij/ sal de selve poirte(r) betalen viii pet(er)s half te bamisse naestcomen(de)/ en(de) half te kersmesse d(air)nae volgen(de) En(de) h(ier)mede sal de voirs(creven) jan/ quijt zij(n) en(de) blive(n) va(n) al tgene datme(n) hem geeyscht heeft oft/ ae(n)leggen mochte uuyt sak(en) vand(er) voirs(creven) ongehoirsamh(eit) en(de) des/ d(air)aen cleeft In cons(ili)[o] op(idi) julii xix