Vanden geschille uutstaen(de) tussche(n) pete(re)n vande(n) velde die/ beg(eer)t te v(er)nairde(re)n seke(re) leengoede die gheert vande(n) velde/ de jonghe v(er)crege(n) heeft tege(n) arnde vande(n) velde t(er) eende(r) en(de)/ den selve(n) gheerde t(er) ander(er) sijden om d(er) selv(er) naird(er)scap wille/ hebben hen de selve p(ar)tie v(er)bonden en(de) gesubmitteert inde myn/ lijke en(de) vrindelijcke yeffene(re)n en(de) goeden manne(n) nae bescr(even) Te/ weten(e) de voirs(creven) pet(er) in ja(n)ne va(n) udekem voirspreke ende/ de voirs(creven) gheert in henr(icke) hanckart secretar(ise) d(er) stat van loven(e)/ in sulker vuege(n) dat p(ar)tien voirs(creven) hue(re) segge(re)n vande(n) hue(re)n/ geschille informatie en(de) alle bescheyt hen dienen(de) doen sulle(n)/ en(de) dat de selve segge(re)n op dat sij accorde(re)n vande(n) selven/ geschille hue(re) eendrachtige uutsprake al b doen sullen al/ bynne(n) sesse weken naistcomen(de) En(de) in gevalle sij niet en/ accordeerden soe sulle(n) sij moege(n) neme(n) tot eene(n) ov(er)man/ arnoldu(m) kyp die oic sijn uutsprake van des voirscr(even) es/ sal moeten doen bynne(n) den selve(n) sesse weken voirscr(even)/ Promitt(entes) hinc inde ratu(m) q(ui)libet ip(s)oru(m) sub bandone xl/ flor(enorum) renen(sium) aur(eorum) me(dia)[tim] ad op[(us)] d(omi)ni duc(is) brab(antie) et me(dia)[tim]/ p(ar)ti laud(um) tenen(ti) et aggreanti cor(am) eisd(em)