It(em) dese leste recognitie es gedaen te dier meyni(n)gen dat/ de credituers oft e(n)nich van hen hen d(aer) mede thuer(er) geliefte(n)/ sulle(n) moege(n) behoirlijc doen leyden tot allen den goeden/ have en(de) erve der selver sculde(re)n soe wair die gelegen/ sijn Om aen de selve goede oft aen hue(re)n p(er)soen dwelc/ den creditue(re)n best gelieve(n) sal te v(er)halen(e) en(de) te gecrijge(n)/ goede en(de) behoirlijcke guedinge en(de) vestich(eit) vande(n) voirs(creven) ja(n)ne/ met (con)sente sijnd(er) moed(er) voir stadhoude(r) en(de) manne(n) van/ leene van braba(n)t van dien lxx gouden coervorste(n) gulden(en)/ erflic die sijn moed(er) heffen(de) es als tochtersse en(de) op hem
//
als erfman v(er)schene(n) sijn aen en(de) op de heerlich(eit) van roux/ miroir met allen hue(re)n toebehoirte(n) nae uutwjsen d(er) br(ieven)/ d(aer)aff sijnde En(de) die de selve jan den selve(n) creditue(re)n/ gelooft heeft en(de) mits desen gelooft te doen(e) als voe(r) thuer(er)/ manisse(n) oft des eens van hen ov(er)mits zeke(re)n div(er)sen/ rinte(n) beyde erflic en(de) lijftochtelijck gedragen(de) de p(ri)ncipale/ pe(n)ni(n)gen d(aer)aff tott(er) so(m)men toe van xii[c] en(de) vi r(inssche) gul(den)/ ii(½) st(uvers) met allen coste(n) en(de) lasten die sij d(aer) inne geleden/ hebben oft alnoch sullen moegen lijden in wat manie(re)n/ dat dat zij oft wesen sal moegen voir wat gerichte/ gheestelic oft weerlijck cor(am) eisd(em)