Condt zij allen lieden dat arndt kerremans sone wijlen/ willems ende henrick sijn sone beyde van huldenberghe/ in p(rese)ntia hebben genome(n) en(de) bekint genome(n) te hebben(e)/ van he(re)n en(de) meest(er) janne de plathea deken he(re)n janne/ hoyngne scolast(er) en(de) noel van fauchon canonick [d(er) kerken] van/ sint jans evangelisten te luydick inden name en(de) van/ wegen d(er) cap(it)le der selver kerken de thienden groot/ en(de) cleyne gelegen te nethen(en) met huysen hoven wynnen(de)/ landen geheeten le coulture ende den landen vander/ motten metten derthien boende(re)n landts vanden goeden/ van fourmont en(de) der poellagien die tvoirs(creven) capittel/ heeft inden dorpe voirgenoempt Te houden te hebben/ en(de) te wynnen van sint jansmisse baptisten lestleden/ eenen t(er)mijn van neghen jae(re)n deen nae dande(r) sond(er)/ middel vervolgen(de) behalven dat p(ar)tien van malcande(re)n/ te sesse jae(re)n sullen moege(n) scheyden mair des sal de ghene/ die alsoe scheyden wilt dat de(n) ande(re)n een jair te/ voe(re)n moeten cundigen Elcx jairs dairenbynne(n) om/ en(de) voe(r) hondert en(de) drienveertich mudden corens pacht/ ende mate van nethenen met wa(n)ne en(de) vede(re)n wel/ bereyt alsulcx grains als vanden voirs(creven) landen en(de) thienden/ comen sal Te betalen(e) deen helicht te kersmisse ende/ dand(er) helicht te paesschen en(de) te loven(e) dairt den voirs(creven)/ he(re)n oft hue(re)n p(ro)cureur gelieven sal te leveren en(de) telcken/ termijne als vervolghde schout Met vorweerden dat/ de he(re)n den voirs(creven) wynnen alle jae(re) de yerste drie jair/ aenden voirs(creven) pacht cortten sullen moete(n) thien mudden/ rocx It(em) de voirs(creven) wynne(n) sullen alle jae(re) trecken tot/ luydick om tvoirs(creven) coren tegen de voirs(creven) hee(re)n te coopen/ ende soe wanneer sij des coeps eens sijn sullen de/ selve wynnen deen helicht vande(n) gelde d(aer)aff comen(de)/ betalen tons(er) vro liev(er) vrouwen lichtmisse en(de) dand(er)/ helicht op sinte marcx dach d(aer) nae volgende ende/ tselve gelt op hue(re)n last te luydick leve(re)n opde/ rekennye der voirs(creven) capittulen jairlijcx den voirs(creven) t(er)mijn
//
due(re)nde en(de) telcken t(er)mijne als v(er)reycte schout Voirt sullen/ de voirs(creven) wynnen jairlijcx tot des voirscr(even) es te betalen/ hondert pont amandelen goede en(de) cusbair en(de) die leve(re)n/ opde rekennye der voirs(creven) cap(it)len te luydick oft de weerde/ dair aff betalen gelijck de hee(re)n vand(er) cap(it)len voirs(creven) en(de)/ de wynne(n) dair aff overcomen sullen te vastenavonde/ It(em) sullen de voirs(creven) wynnen noch jairlijcx leve(re)n dertich/ mudden spelten met wanne en(de) vede(re)n wel bereyt d(er) maten/ ende pacht van luydick te paesschen en(de) die leve(re)n te/ ludick op hue(re)n grainnier aldair voir de vors(creven) goede/ van froutmont Item sullen de voirs(creven) wynnen noch gehoude(n)/ sijn te geven op sinte stevens dach den voirs(creven) t(er)mijn/ due(re)nde opde voirs(creven) rekennye hondert ende seven en(de)/ sestich capunen oft voir elcken capuyn betalen alsulken/ prijs als dan de gronthee(re)n boven en(de) beneden te nethen(en)/ heffen sullen Item sullen de voirs(creven) wynnen oick geven/ ende betalen opde voirs(creven) rekennye jairlijcx den voirs(creven)/ t(er)mijn due(re)nde op sinte marcx dach twintich marck/ ende derthien schellinge goets gelts te weten(e) voir/ elck marck alsoe vele als de hertoghe van braba(n)t ter/ voirs(creven) plaetsen gemeynlijck nemen sal Ende tot dien/ sullen de selve wynnen opde voirs(creven) rekennye betale(n)/ den capellanen vander voirs(creven) kerken van wegen d(er) voirs(creven)/ hee(re)n tonser liev(er) vrouwen daghe lichtmisse twintich/ hollansche gulden(en) te weten(e) eene(n) ph(ilipp)us schilt voir/ eenen hollants gulden(en) gerekent ende den roeydraghe(r)/ vander voirs(creven) capittulen ten selven tijde een half mudde/ corens Ende tot des al des voirs(creven) es sullen de selve wynne(n)/ noch betalen opde voirs(creven) rekennye op sinte marcx dach/ voir den beemt geheeten marghiestbeemdt alle jae(re) den/ voirs(creven) termijn due(re)nde sesse arnoldus gulden(en) en(de) al/ des voirsc(reven) steet als schout mette(n) rechte verwonnen Item/ es vorweerde dat de voirs(creven) wynnen de chijsboeke/ vanden chijsen die tvoirs(creven) capittel te nethen(en) heeft sulle(n)/ doen vernyeuwen met goed(en) specificatien van plaetsen/ ende reengenooten en(de) dair aff eene(n) register maken thue(re)n/ coste ende dien den hee(re)n overleve(re)n Item sullen de selve/ wynnen de huysinge vanden voirs(creven) goeden houden in
//
goeden state van wande ende van dake op sijnen [hue(re)n] cost jairl(ijcx)/ den voirs(creven) termijn due(re)nde uutgenome(n) van nyeuwen werke/ dwelck oft gebuerde dat aldair noot wae(re) te maken(e) de/ voirs(creven) hee(re)n op hue(re)n cost souden doen maken en(de) thue(re)n afsceyde(n)/ sullen sij die laten alsoe sij die vanden thue(re)n aencomen(en)/ sond(er) argelist Item es vorweerde wairt dat sake dat de/ voirs(creven) wynnen bynnen den voirs(creven) termijne aende voirscr(even)/ goede oft thienden e(n)nighe schade leden int passeren vande(n)/ volcke van wapen(en) dat de voirs(creven) hee(re)n dair aff ongehoude(n)/ zijn sullen het en wae(re) dat de vyanden slants t(er) plaetsen/ voir(creven) logeerden oft dat openbair oirloghe wae(re) oft oick/ van tempeeste ende de wynne(n) dair aff schade hadden ende/ dat dat t(er) wairheyt bevonden wordde Dwelc de wynne(n)/ nae recht souden moete(n) doen blijken dat in dien gevalle/ de voirs(creven) he(re)n gehouden souden sijn den voirs(creven) wynnen/ dair aff restoir te doene gelijck ande(re) he(re)n ende p(re)laten/ hue(re)n wynnen ende thiendene(re)n boven ende beneden doen sullen/ nae de costume vanden secu(n)darie kerken van luydick Item/ sullen de voirs(creven) wynnen sonder afslach des voirscreve(n) steet/ draghen jairlijcx den voirs(creven) termijn due(re)nde alle chijsen ende/ lasten uuten voirs(creven) goeden gaende Te weten(e) die rechte(n)/ geheeten cathedraticu(m) absonium de portie vanden persoen oft/ vicarijs van nethen(en) gasterien wijn broot water licht zeele/ en(de) alle ande(re) lasten ende desgelijcx de bede des hertoghen/ van braba(n)t die men van oudts betailt heeft ter plaetsen/ voirscr(even) ten behoirlijcken tijde ende termijne alsoe dat midts/ gebreke van betalingen des voirscr(even) es de voirs(creven) h(ere)n aen heur/ goede gheen schade lijden en derven Behalven oft gebuerde/ dat bynnen middelen tijde e(n)nighe nyeuwe(n) bede ter plaetsen/ voirs(creven) bijden voirs(creven) hertoghe opgesedt wordde dat de voirs(creven)/ wynnen dair aff ongehouden zijn sullen mair de voirscr(even)/ wynnen sullen de nyeuwe bede in afcortinge deser pachtinge(n)/ moeten verleggen alsoe in tijts dat dair aff gheen schade/ en co(m)me Item sullen de voirs(creven) hee(re)n alle jare eens den/ voirs(creven) termijn due(re)nde moeghen synden te nethen(en) voirs(creven) eenen/ van hue(re)n gedeputeerden opde voirs(creven) goede om die te/ visite(re)ne den welcken de voirs(creven) wynnen den montcost/ met zijnen peerde gheven sullen uutgescheyden vanden wijne
//
Item sullen de voirs(creven) wynnen de goede voirscr(even) jairlijcx den voirs(creven)/ t(er)mijn due(re)nde wel ende loflic wynnen ende werven gelijck/ regenooten boven ende beneden ende oick bynnen den selven/ tijde eens cusbairlijck overmesten ende alle tstroo vanden voirs(creven)/ goeden ende thienden comende sullen de voirs(creven) wynnen bynne(n)/ den voirs(creven) termijne al te meste bringhen ende met sijnen hue(re)n/ beesten etten ende dat vue(re)n opde voirs(creven) lande alsoe wel/ opde verste als op de naiste slands meesten p(ro)fijte sond(er)/ dair aff yet te vercoopen(e) oft op ander lant te vue(re)n Item/ es vorweerde dat de voirs(creven) wynnen de voirs(creven) goede/ ende lande sullen moeten laten thue(re)n afsceyden gelijck sij/ die bevonden hebben thue(re)n incomen Te weten(e) den wynt(er)/ aert op vier gethijdege voe(re)n met wynt(er) coren(e) besaeydt/ ende den somer ardt met zomer corene wel ende/ loflijck gelijck regenooten ende de brake twee werven/ o(m)me gedaen Ende wairt alsoe dat men bevonde bij/ eerdtwynnen hen des verstaende dat ten afscheyden jans/ van schoenvorst die wynne es geweest vanden voirs(creven) goeden/ elck boender vanden wynt(er)coren(en) voirs(creven) getaxeert beter sijnde/ dan vier mudden corens ende een half maten ende pacht/ van nethen(en) ende den some(er)ardt desgelijcx elck boend(er) dan/ vier en(de) een half mudde even(en) der maten ende pacht/ voirscreven Item es vorweerde dat de voirs(creven) wynnen de/ beterheyt den voirs(creven) hee(re)n thue(re)n afsceyden betalen sullen aenge/ sien dat de selve he(re)n die den voirs(creven) janne van scoenvorst/ tsijne(n) afsceyden oft soe wae(re) sullen moete(n) oprichten ende/ oft die arger bevonden worden souden de wynne(n) dat/ moeten voldoen ende al ter taxatien van eerdtwynnen/ hen des verstaende Welcke taxatie geschieden sal ter/ stont namelijck vand(er) pechtingen des voirs(creven) jans van scoen/ vorst en(de) veerthien nacht voir oft nae sintjansmisse baptiste(n)/ ten uuytgaen(en) des t(er)mijns van des(er) pachtingen Item en/ sullen de voirs(creven) wynnen de voirs(creven) goede noch thienden niet/ voirts moeghen uutgeven noch verpachten in all oft in dele/ sonder consent vanden voirs(creven) he(re)n mair sullen de selve/ goede in persone met hue(re)n huysgesinne wive haven/ ende beesten den voirs(creven) termijn due(re)nde bewoenen ende alle/ de vruchten vanden voirs(creven) goeden dair inne bringhen en(de)
//
ende etten Item es vorweerde oft zoe gebuerde dat de voirs(creven)/ he(re)n bewijssenisse hebben wouden vanden voirs(creven) mesten(e) ende/ wynnene der voirs(creven) goeden dat de voirs(creven) wynnen dat/ sullen moete(n) bewijsen met goeden mans eerdtwynnen als sijs/ versocht sullen sijn bynnen den voirs(creven) termijne ende oft/ men dair inne gebreck vonde dat souden de voirs(creven) wynne(n)/ moeten oprichten ten prijse vanden selven eerdtwynnen Item/ oft gebuerde dat men behoefde opde voirs(creven) goede e(n)nighe/ grechten oft waterleyden te maken dat de voirs(creven) wynne(n)/ die sullen doen maken op hue(re)n cost Desgelijcx sullen de/ wynnen gehouden sijn te betalen(e) sonder afslach van des voirscr(even)/ es den solarijs vanden vorste(r) die de voirs(creven) hee(re)n vand(er) cap(it)le/ t(er) voirscr(even) plaetsen van nethen(en) sculdich sijn te setten(e) gelijck/ men tot hair toe gedaen heeft Item sullen de voirs(creven) wynnen/ gehouden zijn ten ingaen(e) vanden voirs(creven) termijne elcken hee(r)/ vanden canonicken der voirs(creven) kerken aldair alsdan residerende/ ende elcken vanden twee grooten ende cleynen rekenneers/ te geven(e) een gulden croone oft de weerde dair voe(r)/ ende insgelicx den cloesterne(re)n ende vasterne(re)n huer beyden/ tsamen een croen(e) inder selver weerden Ende inden gevalle/ oft soe gebuerde dat de voirs(creven) wynnen de voirs(creven) pachtinge/ langher inne namen dan den voirs(creven) termijn es vorweerde/ dat sij elcken vanden voirscr(even) hee(re)n ende rekenne(re)n tallen sesse/ jairen geven sullen eenen gouden rijnschgulden(en) oft de weerde/ ende desgelijcx den cloesterne(re)n en(de) vasterne(re)n voirs(creven) heur beyden/ tsamen eenen rijnschgulden(en) oft de weerde als voe(r) Item/ sullen de voirs(creven) wynnen thue(re)n incomen(en) vanden voirs(creven)/ termijne den voirscr(even) he(re)n betalen sonder afslach voir eene/ ame wijns vijff rinsschegulden(en) te twintich stuvers tstuck/ den stuver te drie placken en(de) alsoe voirt tallen drie/ jae(re)n vijf rijnschgulden(en) inder selver weerden alsoe langhe/ sij pachtene(re)n vanden voirs(creven) goeden zijn sullen ende niet/ langhe(r) Voirt es voirweerde oft soe gebuerde dat/ ter plaetsen voirs(creven) onder den bewinde der voirs(creven) capittulen/ van hueren coergoeden die sij aldair liggende hebben/ e(n)nighe coe(re)n verschenen bynnen den tijde dat de voirscr(even)/ wynnen pachtene(re)n der selver goede sijn sullen dat sij die/
//
sullen moeten innehalen en(de) vervolghen met rechte thue(re)n laste/ ende die coe(re)n betalen den voirs(creven) he(re)n alsoe men van oudts/ gedaen heeft Item voirts es vorweerde oft soe geviele dat/ de voirs(creven) wynnen nae hue(re)n t(er)mijn voirs(creven) de voirs(creven) pachtinge/ niet lang(er) houden en wouden oft met den voirs(creven) he(re)n dair/ aff niet en consten veraccorde(re)n heeft [hebben] gelooft de selve wynnen/ nu voir alsdan op eenen banduyn van hondert gulden/ leeuwe te verbue(re)ne deen helicht aen den hertoge oft/ den smalen hee(re)n dair onder sij sullen wordden bevonden/ ende dand(er) helicht aen den he(re)n vander voirs(creven) capittulen/ dat sij de voirs(creven) goede nyemande en sullen mesprijsen/ verleeden oft der capittulen hynde(re)n noch doen verleeden/ mesprijsen oft hynde(re)n bij hen selven oft yemande anders/ in gheender manie(re)n Behalven oft soe gebuerde des oft god/ wilt niet sijn zijn en sal dat de voirs(creven) he(re)n dat wettelijck/ souden moeten doen blijken Ende alle dese vorweerden (con)dicien/ en(de) geluften voirscr(even) (et)c(etera) hoeven thenis julii xxii/