Item henrick mordant sone wijlen henricx dien hij/ hadde van katlijnen van longeville sijnen yersten wive/ jan mordant sone desselfs wijlen henricx van sijnen/ tweesten wive die docht(er) was symoens wijlen/ de loernoit en(de) laureys nijs al(ia)s leestmake(re) inde(n) name/ vanden wettigen kinde(re)n des voirs(creven) wijlen henricx/ die hij hadde van margriete(n) wijlen nijs sijne(n) derden/ wive docht(er) desselfs laureys die de selve gebrue/ de(re)n morda(n)t ende laureys hier inne geloven te/ vervange(n) In p(rese)ntia hebben gekint en(de) geleden dat/ sij gesamend(er) hant ontfangen hebben van jouffr(ouwe)/ g(er)truden weduwe wijlen jans vand(er) leeps ende/ d(aer) nae weduwe en(de) leste huysvr(ouwe) des voirs(creven) wijlen/ henricx een coffer metten brieve(n) die de selve wijlen/ henrick bij der selv(er) jouffr(ouwe) g(er)truden bracht hadde ende/ toebehoire(n) den voirs(creven) kinde(re)n morda(n)t oft e(n)nigen/ van hen Scelden(de) d(aer) om vande(n) selve(n) brieve(n) d(er)/ selver weduwen volcomelijck q(ui)te behalve(n) oft sij/ bevonden oft meynden dat hen alnoch e(n)nige brieve(n)/ gebraken dat sij d(aer) op bliven sullen op hue(r) recht vand(en)/ sterfhuyse om bij d(er) selver jouffr(ouwe) te geschieden(e) des/ sij dair aff nae den selven rechte sculdich sal/ sijn te doen(e) En(de) hebben gelooft de voirs(creven) gebruede(re)n/ en(de) laureys van desen overleveringen tegen eene(n)ye/ gelijcken inne te stane en(de) d(er) selv(er) [voirs(creven)] wed(uwe) mette(n) selven/ brieve(n) ofts behoeft behulp ende assisten(tie) te doene om/ te gecrijgen des huer nae den lantrechte sculdich es te/ volgen vanden gevallen(en) rinte(n) oft pachten des voirs(creven)/ wijlen henr(icx) huers mans cor(am) pynnock hoeven januarii/ xviii