Vand(er) aenspraken die katlijne vand(er) dellen gedaen heeft op/ janne van quathem al(ia)s raeymake(re) seggen(de) dat de selve/ jan onlancx leden op eene(n) maendach daer sij qua(m) rijden(de)/ te p(er)de vande(n) kerchove sinte machiels weert huer nae/ geloopen qua(m) grijpen(de) tpeert dair sij op sat metten thoeme/ oft breydele en(de) seyde tot huer ghij moet hier blive(n) ghij/ hebt hier ond(er) u een oneerbaer pack u niet toebehoiren(de)/ En(de) dat hier nae jaspar claes vorste(r) was gecome(n) bij/ hue(r) aldaer sij tegen hue(re)n wille en(de) danck alsoe bijden voirs(creven)/ janne aenveert en(de) gehouden was en(de) hadde ald(aer) de selve/ jaspar bij hue(re)n overgeven(e) en(de) goede(n) wille tselve pack/ gevisiteert d(aer) inne bevonde(n) wae(re)n seke(re) appelen en(de) vijf/ oft vi kese die sij gecocht hadde opde merct om huer/ huys en(de) familie van dien te v(er)siene En(de) dat zij/ bijden ghenen diese langhe gekint hadden gehouden/ hadde geweest voir eene goede getrouwe vrouwe/ en(de) dat de voirs(creven) hanteringe en(de) scamelijcke woirde/ wae(re)n gebuert in gramscape(n) in afnemi(n)gen huer(er) ee(re)n/ Dese pointe(n) oft huer die ontkint wordde(n) p(rese)nteerde/ sij te bewijsen hopen(de) wair sij dat conste gedoen/ dat de voirs(creven) jan gehoude(n) soude sijn huer dat te bete(re)n/ met eene(n) weghe te str melanen te straesborch oft/ met sulker bet(er)nissen als de he(re)n wijsen soude(n) Dair/ tegen de voirs(creven) jan hem v(er)antweerden(de) ontkinde tvoirs(creven)/ bijlegge(n) hopen(de) dat men dat alsoe niet bevi(n)den en/ soude En(de) al mocht hij huer mette(n) diene(re) gevolcht/ sijn dat was geweest bij dien wa(n)t hij nae des(er)/ stadt recht geleyt was tot jans sijns soens goeden/ die welke d(er) voirs(creven) katlijne(n) docht(er) getrouwt heeft/ En(de) hadde hem de selve goede doen levere(n) en(de) was/ d(aer) inne gewijst met vo(n)nisse boven den welcken/ e(n)nige van dien bijd(er) voirs(creven) sijnd(er) behuwed(er) docht(er) die/ met huer(er) moed(er) was innegetoge(n) wae(re)n gedepostueert/ En(de) alsoe al mocht hij den voirs(creven) packe gevolcht sijn/ mette(n) diene(re) als meynen(de) die goede te wesen(e) van/ sijne(n) gelev(er)den goede(n) dair aen en hadde hij soe hij/ hoopte luttel oft niet v(er)buert met meer reden(en)/ in wedersijden gealligeert Wair op de voirscr(even)/ katlijne tot hue(re)n thoene gewijst sijnde nae hue(re)n voirs(creven)
//
v(er)meten(e) niet en thoende van oneerbe(re)n packe al mocht sij ond(er)/[den ande(re)n dien aengaen(de)] thoene(n) dat hij seyde [staerlic] dat sij dair hadde een pack dair/ hij toe geleyt was dat huer niet toe en hoirde Es/ gewijst bijden scepen(en) van loven(e) t(er) manissen smeyers dat/ daenlegg(er)sse huers v(er)meets niet volcomen es in sca(mpn)[o]/ januarii xx