It(em) vranck vander hulst sone wijle(n) arnts woenen(de) te here(n)t/ in p(rese)ncia heeft genome(n) en(de) bekint genome(n) te hebben(e) van meest(er)/ janne vand(en) walle al(ia)s de mota licen(ciaet) in loy een half boender/ lants paulo plus vel mi(n)[(us)] gelegen te herent in drie div(er)sen p(ar)ceele(n)/ dair af deen houden(de) i dach(mael) gelegen es tusschen de goede/ des heylichgheests opde biest te loeven(e) en(de) den wech geheeten/ den groene(n) moele(n)wech It(em) (½) dach gelegen tussche(n) de goede/ cornelijs op roelofs en(de) den voirs(creven) wech It(em) (½) dach(mael) gelegen/ tusschen de goede der ziele misse van herent en(de) de goede/ jacops de witte gelijc de voirs(creven) goede den voirs(creven) meest(er) janne/ gebleve(n) sij(n) van meest(er) anth(onijs) wijle(n) vynck Te houden en(de) te/ hebben(e) van half merte naestcomen(de) ov eene(n) t(er)mijn van xii/ jae(re)n lang deen dande(r) v(er)volgen(de) elcx jairs d(aer)enbynne(n)/ om en(de) voe(r) i(½) mudde cor(ens) mate van loeven(e) cu(m) va(n)no et pe(n)na/ alle jae(re) tsint andries misse ap(oste)ls te betalen(e) en(de) te loeven(e) ten/ huyse des voirs(creven) meest(er) jans te leve(re)n quolib(et) ass(ecu)[tu(m)] Met/ alsulk(er) cond(icien) dat de voirs(creven) vranck de voirs(creven) lande sijne(n)/ t(er)mijn due(re)nde wel en(de) loflijc besayen wynnen en(de) werve(n)/ sal gelijck reyengenote(n) bove(n) en(de) beneden ende die laten/ tsijne(n) afsceyden met roggen stoppelen cor(am) liefk(enrode) hoeve(n) januarii/ xxix