Allen den ghene(n) die dese p(rese)nte l(ette)ren zullen zien oft hoiren/ lesen bourghmeesters scepen(en) en(de) raed vander stede van luevene/ saluut doen te weten(e) dat voir ons come(n) sijn aernoud/ de wayere en(de) matte van hijssche zijn wijff ons inwonende/ poirte(r) en(de) poirt(er)sse de welke en(de) elc sund(er)linghe en(de)/ namondelic de voirs(creven) matte biden wille weten(e) en(de) (con)sente/ vande(n) voirs(creven) aernoud de waeyere hue(re)n man en(de) bij hem/ d(aer) toe geauctoriseert hebben gestelt geordineert en(de) ge/ maict en(de) bij desen p(rese)nten l(ette)ren stellen ordine(re)n en(de) maken/ zond(er) eenich wed(er)roepen hue(re)n p(ro)cur(eur) generael en(de) specialen/ bode michiel vanden hende poortere vand(er) stede va(n) ypre/ Om(m)e over en(de) inde(n) name van hem lieden te compare(re)nne/ voir vijf scepen(en) vand(er) selv(er) stede van ypre en(de) aldair/ wettelicke quite te scelden(e) teeuwige(n) dage(n) clemen(cie)/ weduwe van wijlen jan de wayere poortersse vand(er)/ voirs(creven) stede van ypre vanden derden deele vanden ver/ stoorven(en) goede bleven acht(er) de doot vanden voirs(creven) wijlen/ jan de wayere en(de) den voirs(creven) constituante(n) in erven/ en(de) cateilen toecomen(de) v(er)schenen en(de) verstoorven bijder/ doot en(de) overlidene vanden selven wijlen jan de waeye(re)/ tsijne(n) voirs(creven) overlidene broedere vanden vorn(oemden) aernoud/ constitua(n)t En(de) hem daer of vander voirs(creven) cleme(ncie) als/ weduwe ende madeligghe te houdene over wel/ vernought en(de) te vullen ghepayt huere garand belovende/ jeghens alle de ghene die hem naermaels eenichts rechts/ zouden moeghen of willen vermeten aen tvors(creven) derde deel/ vanden vorn(oemden) verstorvenen goede de pe(n)ni(n)ghe bijder vorn(oemder)/ cleme(ncie) den voirs(creven) aernoud beloeft tontfanghene Ende/ generalic en(de) specialic om in tghuent dat voirs(creven)/ es te doen(e) alle ande(re) solemniteyten diere toe diene(n)/ en(de) behoire(n) sulle(n) gedaen te wesene naer den rechten
//
wetten costumen en(de) usagen vander vorn(oemder) stede van ypre/ en(de) die de vorn(oemde) constituanten zelve zouden moeghen mids/ dat zij p(rese)nt ende voor ooghen waren Belovende de selve/ constituante(n) en(de) elc bizondere en(de) specialic de voirs(creven) matte/ biden wille weten(e) en(de) geauctorizeert als boven op tver/ bue(re)n van al hueren goede voor ooghen en(de) toeco(m)mende/ eeuwelic goet vast gestade en(de) van weerden thoudene/ alt tguent dat biden voirs(creven) michiel hue(re)n p(ro)cureur irre/ vocable zoe voirs(creven) es in tghuent dat voirs(creven) es quite/ gescolden ghegarandeert ontfaen ende geprocuruert sal/ wesen zonder ne(m)mermeer dair jeghens te co(m)mene/ noch te doene in eenigher manieren In orcondscepen/ van desen zoe hebben wij dese vorn(oemde) p(rese)nte l(ette)ren doen/ segelen metten zeghele van saken vand(er) voirs(creven) stede van/ luevene cor(am) hove burg(imagistr)[o] absoloens pynnock scabinis/ m(ar)tii xv