It(em) joha(n)nes van nuwenborch als p(ro)cur(eur) he(re)n mychiels abs(oloens)/ ridders in p(rese)ntia heeft gekint en(de) gelijdt gehaven te hebben/ en(de) ontfangen vanden edelen en(de) moegen(de) hertoge willem(me)/ hertoge te gulcke en(de) totte(n) berghe greve te ravensberge/ hee(re) te heynsberge te diest te zichen(en) (et)c(etera) ende dit uut hande(n)/ mathijs vande(n) rode rintmeest(er)s desselfs hee(re)n in sijne(n) voirs(creven)/ lande van diest de so(m)me va(n) xviii rinssche gulden(en) uuyt/ saken vande(n) xxxvi r(inssche) gulden(en) die de voirs(creven) h(er) machiel/ jairlijcx en(de) erflijck heeft en(de) houden(de) es opde goede chijsen/ rinte(n) en(de) pachte(n) des voirs(creven) hertoge(n) v(er)crege(n) tegen hee(re)n jacoppe/ wijlen greve va(n) zalmen bescr(even) in seke(re)n scep(enen) br(ieven) va(n) loven(e)/ en(de) and(er)e d(aer) op gemaict te twee t(er)mijne(n) te weten(e)/ deen helicht te paesschen en(de) dand(er) helicht te bamisse ende/ dit vande(n) t(er)mijne va(n) bamisse lestleden Bekynnen(de) hem/ de voirs(creven) p(ro)cur(eur) vande(n) voirs(creven) t(er)mijne en(de) allen ande(re)n voirle/ den(en) t(er)mijne(n) van voe(r) den voirs(creven) bamisse v(er)schene(n) volcomelic/ genoech gedaen te sijne scelden(de) d(aer)aff q(ui)te den voirs(creven) h(er)toge/ sijne goede en(de) rintmeeste(re) (et)c(etera) cor(am) pynnock thenis m(ar)tii xxix