It(em) eene deylinge en(de) sceydinge geschiet en(de) gemaict sijnde/ tusschen meeste(re)n joese couckeroul meest(er) in arten [b] marien/ couckerouls sijnd(er) sust(er) met eene(n) vreemde(n) momboir huer/ hier toe want sij met rechte va(n) woute(re)n vand(er) moelen/ hue(re)n man absent en(de) buyte(n) lants oft aflivich sijnde gedivor/ ceert en(de) gesceyden es va(n) tafele bedde en(de) goede [a] en(de) amelen/ couckerouls sust(er) des voirs(creven) meest(er) joes en(de) marien ten bijsijne/ en(de) met (con)sente arnts hanckarts nu huers mans vanden/ goeden chijsen rinte(n) en(de) pachte(n) hen gebleve(n) en(de) v(er)storve(n) van/ en(de) nae d(er) doot des voirs(creven) wijlen qui(n)tens wijlen couc/ keroul en(de) katlijnen wijlen vanden boeg(ar)de sijns wijfs/ vad(er) en(de) moed(er) d(er) voirs(creven) kinde(re)n couckerouls te deylen(e)/ Soe sijn bleve(n) en(de) gevallen den voirs(creven) meest(er) joese in/ sijn deylinge de goede rinte(n) oft erfpachte(n) hier nae bescr(even)/ en(de) opde (con)dicien hier nae v(er)claert Inden yersten de ca(m)me/ geheete(n) de drie coni(n)ghen alsoe die onderslagen es mette(n) hove/ ketele(n) cuype(n) kuelvaten scheevaten amen halve amen ghelt/ kiste metter voetbanck scapree richtbanck metten ande(re)n/ bancken inde coken(en) ende inde eedtcame(re) al nagelvast aende/ strate gemete(n) trachte(re)n mette(n) toebehoirte(n) gelijck de voirscr(even)/ erflijcke goede gelegen zijn inde p(ro)eftstrate tusschen dnyeuwe/ huys des voirscr(even) wilen qui(n)tens nu in deylingen gevalle(n) der/ voirs(creven) amele(n) couckerouls t(er) eender roelofs wijle(n) roelofs goede/ t(er) ande(r) zijden strecken(de) achterweerts metten uuytgange doir/ de poirte tot inde mu(n)tstrate opden co(m)mer van omtrint eene(n)/ tournoise(n) d(aer) uuyt van outs gaen(de) ten behoirlijcken tijde te/ betalen(e) ende voirtane op thien en(de) eene(n) halve(n) peters te/ xviii stuv(er)s tstuck iii pl(a)c(ken) pro st(ufero) erfchijs ende rinten vallen(de)/ alle ja(r)e ap(ri)lis xix der voirscr(even) marien ende hue(re)n nacomeli(n)g(en)/ tot eeuwige(n) dage(n) Met condicien dat meest(er) joes die rente/ sal moegen lossen ende quite(n) wa(n)neer het hem gelieve(n) sal/ elke(n) pe(n)ninck d(aer)aff met achtien gelijck(en) pe(n)ni(n)gen en(de) met/ volle(n) rinten Item de voirs(creven) meester joes sal moeten doen/ toemetsen eene(n) careel dicke de twee vinste(re)n inde coken(en)
//
bove(n) den watersteen ende thoutwerck vander selver vinste(re)n/ sal volgen der voirscr(even) ca(m)men ende den watersteen doe(n) h(er)legge(n)/ op dat den ghene(n) [voirs(creven) meest(er) joese] gelieft Ende oft den voirscr(even) watersteen d(aer)/ blijft liggen(de) soe en salme(n) doir dwatersteengat gheen onreyn/ water laten oft doen loepe(n) dan schoon ende schotelwat(er) en(de)/ sal de selve meest(er) joes sculdich zijn te stellen voir tselve/ gat een yser met ronden gaten alsoe dat behoirt Ende/ de vinste(r) zijnde effens der eerden onder de voirscr(even) twee/ vinste(re)n dienen(de) d(er) voute(n) d(aer) onder staende inde ca(m)me sal bliven/ zoe die es ende dnyeuwe huys oft arnt hanckairt en(de) zijne/ huysvrouwe en sulle(n) niet moegen dier vinste(re)n dliecht benemen/ Item voirts sal meester joes schuldich zijn te maken(e) en(de) tot/ eeuwige(n) dagen te houden(e) een gestijpte geplect oft gemuert/ omtrint vii voete hooghe bove(n) de eerde van opden hoeck/ vanden moutvloe(re) vander voirscr(even) ca(m)men langs gelijck de/ coirde aldair getogen es tot opden hoeck vande(n) muere roelofs/ wijle(n) roelofs ald(aer) bove(n) eene schouwe innehangt tot/ behoeff vander ca(m)men lanck omtrint eene(n)vijftich voeten welck/ gestijpte oft meer sal moete(n) gestelt worden reys lancs der/ coirden ten erve vand(er) ca(m)men weert inne Ende oft meest(er)/ joes woude maken een gestijpte geplect soe sal hij nochta(n)s/ schuldich zijn te maken(e) onder tgestijpte eene(n) muer omtr(int)/ twee voete uuyter eerde(n) ende dafseten vand(en) voirscr(even) gestijpte/ oft muere sulle(n) gestelt worde(n) ten erve weert vand(en) voirscr(even)/ nyeuwe(n) huyse onder aende plate en(de) bove(n) te nyeute gaen(de)/ Ende ofter e(n)nige pile(re)n souden worden gestelt soe salmen die/ onderhalve(n) steen dicke make(n) ende van een stellen alsoet behoirt/ Ende sal oick tvoirscr(even) gedeelte moete(n) houde(n) ende doen make(n)/ achter den hoff vander ca(m)men een gestijpte onder gemets omtr(int)/ twee voete hooge uuyt(er) eerden mette(n) houtw(er)cke vii voete hoge/ en(de) lanck metten poirtken(en) omtrint xxiiii voete gelijck int zweert/ d(aer) neve(n) gemaect is ende d(aer) inne doen hangen eene poirte om/ achter ter strate(n) uuyt te geve te ke(re)n en(de) te wynden(e) het zij met
//
houte met wate(r) oft aldair eene gote te leggen(e) om va(n)/ achter te bornen Ende oft meester joes namaels woude/ opvare(n) met e(n)niger ty(m)meringe(n) oft metselrien ter zijden weert/ vanden nyeuwe(n) huyse dat hij dat sal moege(n) doen van opden/ muer tussche(n) de ca(m)me ende dnyeuwe huys staende behoudel(ic)/ dat hij schuldich sal zijn dwat(er) te leyden van beyde den/ huyse(n) comen(de) Item sal den voirs(creven) meest(er) joese en(de) den voirs(creven)/ zijnd(er) deylingen noch toegevuecht worde(n) den yse(re)n vuyster/ staende inde coken(en) vand(er) voirscr(even) ca(m)men en(de) den welken/ ov(er) lange(n) tijden aldair gestaen heeft Item noch es de(n) voirs(creven)/ meest(er) [joese] gevalle(n) in zijne deylinge den hoff gelegen ten/ broecke tusschen de goede [vacat]/[vacat] opden co(m)mer d(aer) voe(r) uuytgaende/ Item noch een mudde rox erffelijck aende kinde(re) vanden/ berghe vanden drie mudden rox die zij schuldich zijn/ staen(de) ter quitingen tselve mudde rox met xviii gulden/ rijd(er)s d(er) mu(n)ten wile(n) h(er)togen ph(ilip)s salig(er) gedachten Item noch/ een half mudde rox erflijck aen en(de) op [vacat]/[vacat]/ Item es gecondicioneert dat tvoirs(creven) meest(er) joes deel sal/ schuldich zijn te drage(n) den co(m)mer d(aer) voe(r) uuytgaen(de) ende/ bove(n) gespecificeert ende voirts noch alsulke vier peters/ erfflijck als hij tande(re)n tijden met behulpe van zijnder/ voirs(creven) moeder als tocht(er)sse vercocht en(de) belast heeft op zij(n)/ derdendeel vand(en) twee huyse(n) indt yerste ende ii[te] deele(n)/ begrepe(n) mette(n) hove inde p(ro)eftstrate ende de ande(re) gedeelte(n)/ d(aer)aff los houde(n) en(de) ontlaste(n) ypothece(re)nde en(de) tond(er)pande stellen(de)/ de selve meest(er) joes tvoirscr(even) zijn deel van welken/ vier pet(er)s erflijck arnt hanckart meeste(re)n joese en(de) zijn/ goede voirscr(even) los houde(n) sal van xxiiii stuv(er)s erflijck den/ pe(n)ninck xviii Hanc q(uoque) et sat(isfacere) cor(am) tybe thenis ap(ri)lis xix