Vand(er) aenspraken die jan tav(er)niers al(ia)s vand(er) coud(er)schue(re)n/ gedaen heeft inde banc voir meye(r) en(de) scepen(en) va(n) loven(e)/ opde(n) voirs(creven) janne scrijne aengaen(de) d(er) coma(n)scap van/ xxv mudden gherste(n) die de selve scrijne hem v(er)cocht/ hadde vanden welken de selve jan tav(er)niers beg(eer)de/ betalinge en(de) uut(er)lijck vande(n) leeuwe en(de) drie r(inssche) gul(den)/ die hij hem mits accorde va(n) goede mans te roucoope/ van dien sculdich was te geve(n) alsoe hij dat oft hem/ ontkint wordde p(rese)nteerde the thoene(n) D(aer) tege(n) de voirs(creven)/ scrijne bekynnen(de) genoech tvoirs(creven) accort p(rese)nteerde den/ voirs(creven) leeu opte legge(n) mair wa(n)t hij dach hadde vande(n)/ drie r(inssche) gul(den) die hij he(m) mits accorde va(n) goede mans/ geve(n) soude drie weken nae paesschen soe en meynde/ hij eer d(aer) inne niet gehoude(n) te sijne Op dwelc de/ voirs(creven) tav(er)niers te vrede(n) p(rese)nteerde te stane bij alsoe hij/ jan scrijne hem die drie r(inssche) gul(den) geloofde alsdan te/ betalen(e) dwelc hij niet doen en woude Ende alsoe/ den thoen vande(n) voirs(creven) tav(er)niers hier op gehoirt die/ genoech cleerde den rouwe te wesen(e) eene(n) leeu gereet/ en(de) noch drie r(inssche) gul(den) bynne(n) drie weken nae paesschen/ doen naistcomen(de) en(de) nu lestled(en) es gewijst met vo(n)nisse/ t(er) maniss(en) smeyers dat de voirs(creven) jan scrijne gehoude(n) soude/ sij(n) den voirs(creven) leeu t(er) stont en(de) de voirs(creven) drie r(inssche) g(ulden) bynne(n)/ xiiii nachte(n) naistcomen(de) te betalen(e) in sca(mpn)[o] p(rese)ntib(us) eisd(em)