Aldair voe(r) den raide vander stat gecompareert es jouffr(ouwe)/ m(ar)griete wed(uwe) raes wijle(n) van baussele tegen goirde vande(n)/ berghe cornelise sijne(n) behouwede(n) sone ende henricke steymans/ als procur(eur) raes grave(n) v(er)sueken(de) de selve wed(uwe) van baussele/ overtuere te hebben(e) vande(n) coffe(re) met seke(re)n brieve(n) acten ende/ munime(n)ten staen(de) inde middel came(re) tussche(n) wijle(n) hue(re)n man/ als mo(m)boir van jouffr(ouwen) drotheen vanden mertsberghe sijns yerste/ wijfs der wed(uwen) gorijs wijle(n) van sinte peters sweghers des voirs(creven)/ goirts en(de) suster der voirs(creven) wijle(n) joffr(ouwen) dro dorotheen en(de) der/ wed(uwen) claes wijle(n) van sinte guerijcx natuerlijcx swegers des/ voirs(creven) raes van grave(n) oic sust(er) der voirs(creven) gest gesuste(re)n Te/ voirde(r) want de voirs(creven) wed(uwe) van baussele die d(air)aff eene(n) slotel/ hadde sustineerde gericht te wesen in so(m)mege br(ieven) dair inne/ wesen(de) oft die dair inne geweest hadden o(m)mer inde ghene van/ dien naictelijc niet aen en ginge(n) den erfgoede(n) sij p(re)senteerde/ te sceyde(n) vande(n) ghene(n) dairme(n) bevi(n)den soude dat sij niet/ inne gericht en wa(r)e ende die te late(n) volge(n) den ghene(n) die/ die sculdich wa(r)en te volgen Dair tegen de voirs(creven) goirdt/ cornelijs en(de) henricus de (contra)rie houden(de) seyden dat de voirs(creven) wijle(n)/ raes huer man die aflivich was selve mair een tochte(r) en/ hadde geweest en(de) zij e(m)mer vele vreemder was vand(en) selve(n)/ br(ieven) dan hue(r) man voirs(creven) ende zij die gerechte erfgename(n)/ ware(n) en ware(n) niet sculdich soe zij meynden yemande tot/ huere(n) brieve(n) toeganck te laten hebben oft die te late(n) visite(re)n/ waer bij sij versochte(n) der wed(uwen) dat zij van hue(re)n v(er)sueke cesseerde/ Es getermineert nae dien dat de voirs(creven) weduwe in voirleden(en)/ dage te vreden hadde geweest dat die gevisiteert soud(en) wordd(en)/ in huer(er) absen(cien) bijden secretar(isen) die vander saken wa(r)en geinformeert/ dat opde p(rese)ntacie vand(er) selv(er) wed(uwen) van baussele tcoffe(r) dair/ questie om es ter p(rese)ncien en(de) ten bij sijne van gedeputeerden
//
vand(er) stat en(de) van twee secretar(isen) vand(er) sake(n) genoech gein/ formeert ten bij sijne oic vande(n) ande(re)n p(ar)tie(n) den erfgename(n)/ en(de) in absen(cien) vand(er) voirs(creven) wed(uwen) sal wordden opgedaen ende/ de brieve(n) en(de) munyme(n)ten gevisiteert Dwelc gedaen sullen/ zij van des zij sullen hebben bevonde(n) doen den raide/ volcome(n) rapport om dairentinde(n) voirts te gescieden des/ behoire(n) sal bliven(de) elke p(ar)tie anderssins in sijne(n) goeden/ rechte van des uute(n) coffe(re) voirtijts gehaelt mach sij(n) In/ consilio opidi maii ix