Vander saken ende questien come(n) en(de) geport op heden bijde(n) rade/ vander stat tusschen reyne(re)n wijtvliet t(er) eender en(de) marien/ couckerouls t(er) ande(r) zijde(n) aldair de voirscr(even) reyne(r) versocht ov(er)/ te hebben(e) en(de) mette(n) rechte den p(ri)ncipael lijftochtbrieff va(n) xii/ rinssche gulden(en) bij wile(n) qui(n)ten(e) couckeroul als p(ri)ncipael en(de)/ reyne(re)n voirscr(even) als borge bekint d(air)aff questie tussche(n) hen/ geweest hadde inde banck voir meye(r) en(de) scepen(en) va(n) loven(e)/ Seggen(de) hoe dat hij de pe(n)ni(n)ge vand(en) acht(er)stellige(n) ja(r)en huer/ aengewese(n) onder wet geset hadde op alsoe dat he(m) den/ p(ri)ncipale(n) brief voirscr(even) bij huer ov(er)geg(even) worde nae recht om/ zijn gebreck te verhalen(e) alsoe dat behoire(n) soude D(air)tegen/ de voirscr(even) marie sustin(eer)de dat zij des niet schuldich en wa(r)e/ te doen(e) het en wa(r)e dat zij vand(en) p(ri)ncipale(n) lijfrinte(n) ande(r)/ behoirlijcke vestich(eit) oft zekerh(eit) hadde vand(en) selve(n) reyne(re)n/ voe(r) den toecomen(de) tijt alsoe dat sijs te vrede(n) moecht/ zij(n) het wa(r)e bij ond(er)pande oft and(er)ssins hoepen(de) dat/ de voirscr(even) reyne(r) gehoude(n) soude blive(n) voir tgewijsde te/ weten(e) vand(en) verlopen(en) pachte(n) d(air)inne hij gewese(n) was en(de)/ d(air)voe(r) gehouden D(air)op arnt hanck(art) als int(er)venie(re)nde voire/ den voirs(creven) reyne(re) te ky(n)nen gaff hoe dat hij hoepte dat/ marie voirs(creven) met hue(re)n voirtstelle v(er)doelt wa(r)e bezundert/ want sij mede erfgename was vand(en) voirscr(even) wile(n) qui(n)ten(e) hue(re)n/ vader en(de) aenveert hadde huer p(ar)t en(de) porcie vand(er) haven/ gebleve(n) naeden lancstleven(de) van vader en(de) moeder en(de) oick de/ erflich(eit) gedeylt tussche(n) hen drien Mids den welk(en) hij hoepte/ dat zij ho v(er)doelt wa(r)e de voirs(creven) rinte noch lopen(de) te/ behouden(e) mair dat die v(er)smolte(n) soude zij(n) mids der voirscr(even)/ deylinge(n) en(de) aenveerden(e) d(er) voirscr(even) have(n) aengesien dat/ de selve rinte huwelijcke vorw(eer)de was en(de) niet beyde/ tsame(n) staen en moege(n) huwelijcke vorw(eer)de en(de) deylinghe/ Bezundert oick want hij met zijnder huysv(rou)we(n) hen hadden moete(n)
//
purge(re)n van sgheens des hen in huwelijck(er) vorweerd(en) gegeve(n)/ soude hebbe(n) geweest om dat inne te bringen(e) oft te v(er)smelten(e)/ op datter yet hadde geweest mids den aenveerden(e) ende/ deylinge(n) voirscr(even) met meer woirden in alle(n) zijd(en) gebuert/ Es geappointeert nae dien dat de voirs(creven) drie erfgename(n)/ mi(n)lijck bijder stat onderwese(n) zij(n) geweest en(de) geadv(er)teert/ om den voirs(creven) reyne(re) als borge va(n) hue(re)n vader te lossen(e)/ mids den reden(en) d(air)toe dienen(de) en(de) zij tselve niet en hebbe(n)/ ae(n)genome(n) mair eenyegelijck van hen getroost des hem/ d(air)van met rechte soude moege(n) gebue(re)n bezund(er)t meest(er) joes/ en(de) marie dat de voirscr(even) reyne(r) schuldich sal zij(n) op/ alsoe hij den brieff ov(er)hebbe(n) wilt d(air) questie aff is de selve/ rinte af te leggen(e) oft te v(er)onderpanden(e) alsoe dat der selv(er)/ marie(n) genoech zij en(de) te betalen(e) navolgen(de) den vo(n)nisse/ bij scepen(en) va(n) loeven(e) gewese(n) de achterstellige pachte(n) v(er)schene(n)/ der selv(er) marie(n) om d(air)entind(en) de voirscr(even) brieve(n) bij hem/ ov(er)genome(n) [ten selve(n) rechte] zijn recht te volgen(e) en(de) te vorde(re)n alsoe zijne(n)/ raet gedrage(n) sal In cons(ili)[o] op(idi) py(n)nock hove burg(imagistr)[is] et/ plu(r)ibus aliis de (con)s(ili)[o] maii xvi