Vand(er) q(ue)stien geport voe(r) den raide vand(er) stadt tusschen joha(n)nese beke/ die alh(ier) hadde doen bescriven de bedesett(er)s van houd(er)t t(er) eende(r) sijden/ en(de) ja(n)ne reers henricke cole bedesetters en(de) meer ande(re) goede ma(n)nen/ inden name vande(n) dorpe van houdert t(er) ande(re) om d(er) beden wille/ die sij den selve(n) joha(n)nese eyschte(n) vanden rinte(n) die om d(er) orlogen/ wille opv(er)staen t(er) stont nae de doot des bisscoppen va(n) luydick/ salig(er) gedachte(n) gefineert waeren bijd(er) stat van loven(e) ten laste/ vanden lande gedragen(de) de selve rinte ten laste vanden dorpe/ voirs(creven) xiiii rinssche gulden(en) half erflijck en(de) half lijftochten/ Te voirde(r) want soe de voirs(creven) bedesett(er)s te kynnen gaven de/ selve beke ten tijde vande(n) selve(n) fina(n)cien en(de) dat meer was ten/ tijde den dorpe de voirs(creven) quote van xiiii r(inssche) gul(den) ov(er)bracht/ was buycvast sadt en(de) woenachtich was inden voirs(creven) dorpe/ ende was alsoe mits dien sculdich te contribue(re)n met ende/ gelijck hen soe sij sustin(er)den Voirts o(m)me seke(re) gratuiteyt den/ hee(re) van zichen(en) gedaen bij gemeyne(n) ov(er)drage ind(er) kercken/ gepubliceert van xx rinssche gulden(en) voir sdorpe portie om/ dbescudden vanden selven en(de) d(aer)enboven noch om vie(re) oft/ vive div(er)se beden d(aer) inne de selve joh(ann)es soe sij meynde(n) sculd(ich)/ was te (con)t(ri)bue(re)n gelijck den ingeseten(en) ald(aer) Gemerct al mocht/ hij te loven(e) te voe(re)n ende zed(er) kersmisse lestleden eensdeels/ woenachtich sijn geweest soe soude men nochtan bevi(n)den/ ter wair(heit) dat hij dair sijn bewint en(de) bedrijff met sijnen/ knape(n) ende peerden werken(de) gehadt hadde en(de) d(er) gemeynte(n)/ gebruyct soe hij te voe(re)n gedaen hadde Bij desen reden(en)/ sustin(er)den sij dat beke tonrechte geimpetreert hadde der/ stadt brieve(n) tegen hen ende doen ontslaen en(de) scutte(n) tver/ volch op sijn goede en(de) sijnen wynne gedaen die die/ bove(n) trastame(n)t aenveert hadde gedaen Dair tegen de voirs(creven)/ beke de c(ontra)rie sustine(re)nde seyde dat hij niet geweygert/ en hadde te betalen(e) de bede vanden v(er)cochte(n) rinte(n) voirs(creven)/ gelijck eene(n) ingeseten(en) van deser stadt van sijnen goeden/ alleene ond(er) houdert gelegen mair hadden hem gestelt/ t(er) beden va(n) sijnen ande(re)n goeden elswair gelegen gelijck/ oft hij dair noch woenachtich wae(re) des alsoe niet en/ behoirde Insgelijcx vand(er) gratuiteyt alleene vande(n) goeden/ hem toebehoiren(de) te houdert gelegen en(de) aengaen(de) den ande(re)n/ beden p(rese)nteerde hij soe v(er)re die geconsenteert wae(re)n voir
//
ende eer hij te loven(e) quam woenen te contribue(re)n met hen nae/ advena(n)t van sijnen goeden te houdert gelegen ende zeder/ sijnen vertrecke aldair als eene(n) ingeseten(en) vand(er) stadt ende/ hadden hem de selve bedesetters soe zie(re) verlast sijn ande(re) goede/ elswair gelegen dair ond(er) trecken(de) dat hij tdorp hadde moete(n)/ laten en(de) bij seke(re)n t(er)mi(n)acien van des(er) stadt staen(de) ger(e)gistreert/ inde middel came(re) vand(er) daet febr(uarii) iii lestleden die hij exhibeerde/ was bevonden dat zij sijn ande(re) goede ond(er) huer (con)t(ri)butie niet/ en behoirden te trecken(e) met meer woirden bij hen gealligeert na/ melijck dat sijn bewint niet lang(er) geduert en hadde dan/ tot halfmeert lestleden ende van dier tijt voirt hadde hij/ dair eenen wynne gehadt Es getermineert bijden raide/ vander stadt blivende bijde voirt(er)mi(n)acien dat de voirs(creven)/ beke gestaen sal van sijnen goeden alleen te houdert gelege(n)/ bede ald(aer) te betalen(e) tot halfmeerte lestleden gelijck eenen/ ingeseten(en) vande dorpe ende van halfmeerte voirts vanden/ selven goeden aldair gelegen gelijck eenen ingeseten(en) vand(er)/ stadt Ende aengaende den gefineerden rinte(n) sal hij gehouden/ sijn tot houdert alleene van sijnen goeden aldair gelegen/ bede te betalen(e) ende bliven betalende gelijck eene(n) inge/ seten(en) vanden dorpe Actu(m) in consilio opidi augusti/ ix