Vand(er) q(ue)stien die voe(r) den raide vand(er) stadt geweest heeft/ tusschen diericken tielmans als man en(de) mo(m)boir yden svoichs/ sijnd(er) huysvr(ouwen) wed(uwe) wout(er)s wijlen helsscheviers t(er) eende(r) en(de)/ goirde de wairsege(re) met sijne(n) kinde(re)n ter ande(re) om eene(n)/ r(inssche) gul(den) lijfpen(sien) die nae begrijp vanden brieve voir/ scepen(en) van loven(e) gepass(eer)t janij januarii xi a(nn)[o] lxxx in/ t(er)cia came(r)a steet ten live yden va(n) maelcote docht(er) henr(icx)/ va(n) maelcote en(de) lijsbette(n) swairseg(er)s docht(er) willems swaer/ seg(er)s bekint bijde(n) voirsc(reven) goirde de wairsege(re) en(de) sijn/ borge(n) dair inne de voirs(creven) yde nu des voirsc(reven) wijf/ huer heffen behoude(n) heeft Van welken r(inssche) gul(den) lijfp(ensien)/ de voirs(creven) gord tot behoef vande(n) v(er)loopen(en) ombet(aelde) pachte(n)/ ond(er) de wet gestelt hadde een(en) gulden(en) leeuw soe/ wa(n)neer bleke den rechte genoech sijnde wa(n)t de voirs(creven)/ lijsbeth wairseg(er)s aflivich was dat de voirs(creven) yde va(n)/ maelcote henr(icx) docht(er) livich en(de) leven(de) wa(r)e oft was/ ten tijde dat den voirs(creven) r(inssche) gul(den) viel hopen(de) de voirs(creven)/ gord dat dat alsoe geschiede(n) soude en(de) behoirde eer/ d(aer)aff de voirs(creven) yde svoechs oft dierick huer man yet/ soude(n) moege(n) trecken hen des gedragen(de) totte(n) rechte D(aer)/ tege(n) de voirs(creven) dierick opdede hoe dat int scriven/ vande(n) brieve gedoelt most sijn besund(er)t inde(n) name d(er) voirs(creven)/ yden va(n) maelcote henr(icx) docht(er) gemerct dat hij p(rese)nteerde/ te bewijsen dat ten tijde als den selve(n) brief gemaict/ was jan [henrick] va(n) maelcote gheen docht(er) en hadde yde geheete(n)/ mair was waer en(de) men soude bevi(n)den dat te dier tijt/ jan va(n) maelcote een docht(er) hadde yde geheete(n) die noch/ livich en(de) leven(de) es Ende aldus sustin(eer)de hij dat hem als/ mo(m)boir sijns wijfs voirscr(even) die theffen inde lijfpen(sien) hadde/ betalinge gebue(re)n soude vander voirs(creven) lijfpen(sien) en(de) dat/ hem dmesscrive(n) vande(n) vad(er) d(er) voirs(creven) yden va(n) maelcote/ gheen p(re)judijs dragen en soude Tegen dwelc de/ voirs(creven) goird alreha(n)de pointe(n) bijleyt te thoenen(e) d(aer)/ mede hij meynde te invalide(re)n den thoen die de voirs(creven)/ dierick opde voirs(creven) sijn v(er)mete(n) pointe(n) hadde geleyt/ d(er) welker de selve dierick was volcome(n) meynen(de)/ d(aer) tegen bij te bringe(n) dat den name d(er) voirs(creven) yden/ van maelcote sijn soude geweest yde va(n) maerbeke/ henricx docht(er) alsoe dat de selve gord d(aer) toe ende
//
oic dat de selve yde va(n) maerbeke aflivich wa(r)e om/ meer cleernissen end(e) bescheyts wille ind(er) saken te doen(e) ge/ admitteert es geweest vand(en) welken hij niet volcome(n)/ en es Es uutgesproken bijden raide vand(er) stadt want/ men niet en bevi(n)t datt(er) e(n)nige yde van maelcote henr(icx)/ docht(er) is geweest mair jans docht(er) ten tijde vanden/ bekinne vand(er) lijftocht en(de) daer q(ue)stie af es en(de) d(aer) inne/ gedoelt es int maken vanden brieve en(de) de cont(ra)rie/vand(er) bijd(er) wed(er)p(ar)tien va(n) hue(re)n voirnemen(e) niet ge/ bleken en heeft dat die lijftocht sal bliven staen(de) ten/ live yden jans docht(er) tott(er) tijt die afgequeten sal sijn/ oft verstorven In consilio op(idi) p(rese)ntib(us) boxho(r)en tybe/ burg(imagistr)[is] et aliis de (con)silio junii xxviii