Want adriaen vand(er) heyden bedel d(er) faculteyt va(n) beyde(n)/ rechte(n) ind(er) eerweerdig(er) univ(er)siteyt van loven(e) als ge/ leyt nae des(er) stat recht uut crachte va(n) scepen(en) br(ieven)/ van loven(e) tot allen den goede(n) beyde have en(de) erve/ mathijs va(n) kelfs soe wair die gelege(n) sijn hem met/scepen(en) brieve(n) van loven(e) alle de selve brieve [goede] behoirl(ijc)/ bijde(n) drossete van rotselair heeft doen leve(re)n Ende/ katlijne(n) kamermans dach va(n) rechte doen besceyden/ te compare(re)n inde banc voir meye(r) en(de) scepen(en) van loven(e)/ ald(aer) de voirs(creven) katlijne niet gecompar(er)t en es noch p(ro)cur(eur)/ van sij hue(re)n wege(n) den p(ro)cur(eur) des voirs(creven) geleydden (com)pa/ re(re)nde en(de) trecht voirts v(er)sueken(de) Soe hebben scepen(en)
//
van loven(e) t(er) manissen smeyers nae dat hen bij raporte pau/ wels bierman d(er) stat bode behoirlijc hadde gebleken de/ voirs(creven) executie geschiet te sijne gewesen voir een vo(n)nisse/ dat men den voirs(creven) p(ro)cur(eur) inden name vande(n) geleydden/ houden soude inde macht van sijne(n) scepen(en) brieve(n) alsoe/ v(er)re alst noch voir scepen(en) come(n) es in sca(m)pno m(ar)tii vi