It(em) es tusschen de voirs(creven) p(ar)tien bevorweert dat al tgene des/ comen gevallen oft v(er)schene(n) es zeder den voirs(creven) vo(n)nisse/ van e(n)nige(n) vanden voirs(creven) goede(n) rinte(n) oft pachte(n) dat dat/ al volgen sal den ghenen dien die gelijc vo(r)e gevalle(n)/ sijn en(de) dair toe sal hem dande(r) des v(er)socht alle behulp/ doen zond(er) sijne(n) cost en(de) elc huer(er) sal den ande(re)n sijn ge/ deelte voirs(creven) leve(re)n los van allen co(m)me(re)n en(de) lasten dair/ op en(de) gevallen en(de) v(er)schene(n) tot desen dage toe cor(am) eisd(em)