It(em) gorijs reyns sone cornel(is) reyns p(ri)us ema(ncipa)[t(us)] de selve/ cornel(is) de vader en(de) m(ar)griete sijn weerdynne moed(er) des/ voirs(creven) gorijs hebben gelooft indivisim ja(n)ne geheete(n) mans/ sone wijlen jans als voe(r) de zoene vand(er) doot des voirs(creven)/ wijlen jans des vaders bijden voirs(creven) gorijse van live t(er)/ doot bracht die tegewoirdichlijc geschiet es t(er) p(rese)ntien en(de)/ met (con)sente vanden selve(n) janne den sone en(de) oic vande(n)/ magen en(de) vrinden desselfs jans te doen doen alsoet gewoen/ lijc es tgebet van vierdalfhond(er)t cloeste(re)n voir de ziele/ vande(n) voirs(creven) wijlen ja(n)ne den aflivige(n) En(de) voirt dat zij/ sullen doen stellen bynne(n) den lande van zichen(en) dairt den voirs(creven)/ gelovers gelieve(n) sal te gewoenlijker plaetsen een cruyce
//
bynnen xl dagen nae den voirs(creven) voetval op heden geschiet/ It(em) sullen voirt de selve gelovers betalen den voirs(creven) ja(n)ne/ den sone vanden aflivigen t(er) p(rese)ntien en(de) ten bijsijne henricx/ wellens sijns oems en(de) machiels wellens sijns soens oft/ des eens van hen voe(r) de zoene vand(er) doot voirs(creven) bynnen/ eene(n) jae(re) naistcomen(de) de so(m)me van xx rinssche gulden te xx/ stuvers tstuck drie pl(a)c(ken) brabants gelts p(ro) st(ufero) oft ten ynde vande(n)/ jae(re) op dat den voirs(creven) gelovers gelieft soe moegen sij dan de/ selve xx r(inssche) gul(den) t(er) lijftocht stellen en(de) sekerlijc v(er)borgen nae/ den lantrechte ten live des voirs(creven) jans d(aer)aff den yersten pacht in/ dien gevalle yerst vallen soude bynne(n) eene(n) jae(re) d(aer) nae en(de)/ dit al aldus te voldoen(e) op lantzoene It(em) sullen noch de voirs(creven)/ gelovers den voirs(creven) janne oft sijne(n) vrinde(n) t(er) stont betalen vier/ r(inssche) gul(den) ind(er) weerden voirs(creven) voir de costen ind(er) saken gebuert/ Et p(ri)m(us) cor(am) tybe thenis octobris secu(n)da