It(em) pet(ro)nelle trouwants cu(m) tuto(r)e uut crachte vand(er) t(er)mi(n)acien/ vand(er) stadt uutgesproken sept(embris) xx lestleden heeft geconse(n)teert/ willem(me) wittebol dat de selve willem van nu voirtane inne/ heffe opbue(re) en(de) ontfange alle alsulken rinte(n) en(de) pachten alse/ voirtane vallen en(de) verschijne(n) sullen vanden i(½) r(inssche) gul(den) vande(n)/

i(½) r(insche) gul(den) en(de) (½) mudde corens erflijc alse sij heeft en(de) heffen(de)/ es den i(½) r(inssche) gul(den) te kersmisse vallen(de) aen en(de) op huys en(de)/ hoff mette(n) toebehoirte(n) ambrosius vanden dale gelegen inde/ dorpstrate te loven(e) en(de) thalf mudde corens s(in)[te] andriesmisse/ vallen(de) aen en(de) op seke(re) goede en(de) pande jacops wittemans/ te mole(n)beke gelegen Gheven(de) hem met (con)sente van hove/ borg(er)meest(er) inden name vand(er) stadt volcome(n) macht p(ro)cu(r)atie/ auc(tori)teyt en(de) sund(er)ling bevel sond(er) wed(er)roepen de selve rinte(n)/ en(de) pachte(n) jairlijcx inne te heffen opte heffen(e) en(de) bueren en(de)/ tontfange(n) en(de) ofts noot zij met rechte te v(er)volgen te bedinge(n)/ te wynne(n) en(de) te verliesen en(de) d(aer)aff q(ui)tan(cie) te geven soe langhe/ en(de) tot aen d(er)re tijt toe dat de selve willem d(aer)aen innege/ have(n) sal hebben alsulken viii(½) r(inssche) gul(den) te lx pl(a)c(ken) tstuck alse de/ selve petronille hem van pelterien sculdich en(de) belanc es met/ allen costen die hij dair o(m)me sal moeten lijden en(de) die hij aende/ goede niet wed(er) gecrigen en sal connen geloven(de) hem die alsoe/ jairlijcx te doen volgen in afcortingen voirs(creven) Promitten(s) rat(um)/ salvo iusto calculo cor(am) hove burg(imagistr)[o] hoeve(n) tybe scabinis/ octobr(is) xiiii