SAL7380, Akte: V°121.2-V°122.1 (260 van 904)
Akte V°121.2-V°122.1
Act
Datum: 1486-10-19
Taal: Nederlands
Transcriptie
2021-02-25 door Jef WillemsensIt(em) gorijs de cuype(re) metse(r) en(de) lijsbeth vanden broecke zijn wijff/
in p(rese)ntia hebben gelooft en(de) toegeseecht der stadt en(de) kerckmeeste(re)n/
d(er) kercken van vilvoirden te voldoen(e) en(de) te maken(e) dwerck/
dat hij gorijs verdingt heeft tegen den selven p(er)sone(n) aende/
voirs(creven) kercke van vilvoirden aengaen(de) den welfsselen vand(er)/
kercken vanden cruyswercke te beyden sijden metten cruyce inde(n)/
middelt en(de) een cruys inden bueck tegen den koer gelijck/
hier nae volcht Te weten(e) dat de selve gorijs sal gehoude(n)/
sijn tsijne(n) coste te leve(re)n werckelijck alle de stoffe tot desen/
wercke dienen(de) en(de) behoeven(de) als aginen slotsteene(n) kalck/
savel quareelen balcken berde(re)n nagelen zeelen en(de) alle ande(re)/
stoffe zond(er) argelist om werckelic te metsen(e) te besetten(e)/
en(de) al te doen(e) gelijck den koer ald(aer) gewracht es en(de) niet/
arghe(r) tot meest(er)s prijse Voirts sullen de selve gehuysschen/
gehouden sijn alle de forneele te stellen(e) en(de) te doen maken/
werckelic tot huer(er) cost en(de) dair inne soe versien dat d(er)/
kercken noch ingeseten(en) d(aer)aff gheen scade noch acht(er)deel en/
come in gheend(er) wijs en(de) dat dingeseten(en) dair ond(er) selen/
moegen gaen messe hoiren wandelen en(de) te solderen(en) alsoe/
dat men dat sond(er) sorghe sal moege(n) doen It(em) alle de witte/
steene(n) het zij aginen slotsteene(n) oft ande(re) die men tot dese(n)/
wercke behoeve(n) sal selen sijn van steene(n) van bruessele/
oft van saventhen en(de) alsoe goet als den koer voirscr(even) es/
de slotsteene(n) werckelic gemaict en(de) gewracht nae avijs/
gelijck men ordine(re)n sal en(de) gelijc sij sijn inden koer voirs(creven)/
en(de) niet slechte(r) noch mynde(r) ende de aginen nae de rage/
mente(n) nae hue(re)n eysch volgen(de) werckelijck met hue(re)n schey/
boghen gelijck den koer nu es It(em) soe wa(n)neer de voirs(creven)/
stellinghe gestelt en(de) gemaict sullen sijn met hue(re)n forneele(n)
//
soe sullen de stadt en(de) kerckmeeste(re)n die moegen doen visite(re)n en(de)/ oick dwerck altijt datt(er) gewracht sal sijn alsoe dicwijle/ alst hen gelieve(n) sal met meest(er)s hen des verstaende ende/ in gevalle zij [niet] goet genoech en wordde bevonde(n) soe sullen de/ selve gehuysschen dat moete(n) bete(re)n thuer(er) cost en(de) den meest(er)s/ loonen en(de) betalen en(de) al des dair aen cleve(n) soude moege(n) werden/ zij oick bevonden goetgenoech soe saelt zijn t(er) cost vand(er) kercken/ Voirts sal gorijs gehoude(n) sijn alle de welfsels acht(er) boven/ tragime(n)t te laeyden(e) en(de) te decken(e) werckelijck met goeden schorren/ nae den eysch vande(n) wercke tot meest(er)s prijse en(de) vande(n) opper/ steen vande(n) ragemente(n) de pile(re)n en(de) mue(re)n te bequispelen(e) tot/ beneden toe werckelijck gelijck den welfsels It(em) en(de) oft der/ kercken e(n)nich goetdoen gedaen worde totte(n) wercke voirs(creven) het/ wae(re) van houte van steene(n) van kalcke oft ander(e) stoffen totte(n)/ selve(n) wercke dienen(de) dat sal come(n) der kercken te baten/ t(er) moderatien van goede(n) ma(n)nen en(de) in afslage va(n) gorijs/ payme(n)ten It(em) sullen de kercmeest(er)s bynnen xiiii dage(n) naist/ comen(de) geven in gereede(n) pe(n)ni(n)gen den voirs(creven) gorijse voir/ sijn yerste payme(n)t hond(er)t rinssche gulden(en) eens te lx pl(a)c(ken) tstuck/ en(de) sal gorijs gehouden sijn dwerck te gaen vorde(re)n om t(er)/ stont te wercken(e) En(de) als deene sijde vande(n) cruyswercke/ vand(er) kercken voldaen en(de) volwracht sal sijn gelijck voirscr(even)/ es en(de) afgestelt soe selen sijn noch geven gorijse voirscr(even)/
hond(er)t gelijcke r(inssche) gul(den) als voir tweeste payme(n)t Ende/
als hij dand(er) sijde vande(n) cruyswercke volwracht sal hebbe(n)/
en(de) afgestelt selen de kercmeest(er)s noch geven den voirs(creven)/
gorijse hond(er)t r(inssche) gul(den) als voir tderde payme(n)t En(de)/
alst al gedaen en(de) volwracht sal sijn gelijck de voirs(creven) vor/
weerden begripen soe selen de kercmeest(er)s trest en(de) tsurplus/
betalen den selve(n) gorijse bynnen sesse weken oft ombegrepe(n)/
bynnen drie maenden dair nae Ende tvoirs(creven) werck gelijck/
voirscr(even) steet sal moete(n) volwracht en(de) afgestelt sijn te weten(e)/
tcruyce voe(r) den koer en(de) de eene sijde tusschen dit ende/
paesschen naistcomen(de) en(de) dand(er) surplus van paesschen/
naistcomen(de) ov(er) een jair d(aer) nae En(de) oft d(aer) inne gebreck/
viele bij toedoen(e) van gorijse voirs(creven) soe selen de stadt en(de)/
kercmeest(er)s hem tsijnen lesten payme(n)te afslaen en(de) cortten/
thien l(i)b(ra) gr(oten) brabants Ende hier voe(r) sijn borghen der/
selver gehuysschen ongesundert en(de) onv(er)sceyden en(de) als p(ri)ncipale
//
sculde(re)n pauwel de cuype(re) bruede(r) ende gordt de cuype(re) oem/ des voirscr(even) gorijs barthelmeeus van maelcote zeeldraeye(r) en(de)/ jan capellaen vettewarier alle wonen(de) te loven(e) Et q(ua)tuor/ p(ri)mi insup(er) duo p(ri)mi cor(am) hoeven tybe octobris xix
//
soe sullen de stadt en(de) kerckmeeste(re)n die moegen doen visite(re)n en(de)/ oick dwerck altijt datt(er) gewracht sal sijn alsoe dicwijle/ alst hen gelieve(n) sal met meest(er)s hen des verstaende ende/ in gevalle zij [niet] goet genoech en wordde bevonde(n) soe sullen de/ selve gehuysschen dat moete(n) bete(re)n thuer(er) cost en(de) den meest(er)s/ loonen en(de) betalen en(de) al des dair aen cleve(n) soude moege(n) werden/ zij oick bevonden goetgenoech soe saelt zijn t(er) cost vand(er) kercken/ Voirts sal gorijs gehoude(n) sijn alle de welfsels acht(er) boven/ tragime(n)t te laeyden(e) en(de) te decken(e) werckelijck met goeden schorren/ nae den eysch vande(n) wercke tot meest(er)s prijse en(de) vande(n) opper/ steen vande(n) ragemente(n) de pile(re)n en(de) mue(re)n te bequispelen(e) tot/ beneden toe werckelijck gelijck den welfsels It(em) en(de) oft der/ kercken e(n)nich goetdoen gedaen worde totte(n) wercke voirs(creven) het/ wae(re) van houte van steene(n) van kalcke oft ander(e) stoffen totte(n)/ selve(n) wercke dienen(de) dat sal come(n) der kercken te baten/ t(er) moderatien van goede(n) ma(n)nen en(de) in afslage va(n) gorijs/ payme(n)ten It(em) sullen de kercmeest(er)s bynnen xiiii dage(n) naist/ comen(de) geven in gereede(n) pe(n)ni(n)gen den voirs(creven) gorijse voir/ sijn yerste payme(n)t hond(er)t rinssche gulden(en) eens te lx pl(a)c(ken) tstuck/ en(de) sal gorijs gehouden sijn dwerck te gaen vorde(re)n om t(er)/ stont te wercken(e) En(de) als deene sijde vande(n) cruyswercke/ vand(er) kercken voldaen en(de) volwracht sal sijn gelijck voirscr(even)/ es en(de) afgestelt soe selen sij
//
sculde(re)n pauwel de cuype(re) bruede(r) ende gordt de cuype(re) oem/ des voirscr(even) gorijs barthelmeeus van maelcote zeeldraeye(r) en(de)/ jan capellaen vettewarier alle wonen(de) te loven(e) Et q(ua)tuor/ p(ri)mi insup(er) duo p(ri)mi cor(am) hoeven tybe octobris xix
Nagekeken door: kristiaan magnus
Moderator: kristiaan magnus
Laatste update:: 2017-03-27 door Claire Dejaeger