SAL7380, Akte: V°124.3-R°125.1 (263 van 904)
Akte V°124.3-R°125.1
Act
Datum: 1486-10-20
Taal: Nederlands
Transcriptie
2021-03-03 door Jef WillemsensVander questien geport voe(r) den raide vand(er) stadt tusschen/
pete(re)n van ijssche inden name en(de) als p(ro)cur(eur) soe hij seyde/
van janne cappart scouth(eit) tot cumptich t(er) eende(r) ja(n)ne/
van hoelair briede(r) t(er) ande(r) en(de) lijsbetten lanckarts sijnd(er)/
behuwed(er) docht(er) wed(uwe) wout(er)s wijlen van hoelair wettich/
soens des voirs(creven) jans t(er) derd(er) sijden aldair de voirs(creven) pet(er)/
versocht betalinge vanden scaerhoute van bossche datde/
//
voirs(creven) cappart vercocht hadde den voirs(creven) janne van hoelair van drie/ boende(re)n om xli r(inssche) gul(den) want de daghe d(aer)aff gevallen ende/ overleden wae(re)n metten costen van gelaghe en(de) ande(re) dair/ inne v(er)leecht hopen(de) dat hem die gebue(re)n soude Dair op de/ voirs(creven) jan seyde dat hij bereet wae(re) de twee deele van dien/ te betalen en(de) want de voirs(creven) wijlen wout(er) sijn sone mede/ gedeylt hadde en(de) tderdel van dien gehadt en(de) sijn weduwe/ voirs(creven) nae huers mans doot dat somvercocht aenveert en(de)/
voirt v(er)cocht hadde soe hij dat boedt te bewijsen oft hem/
ontkint wordde soe mette(n) bossche(n) voerlieden soe anders soe/
sustin(er)de hij dat dat de selve wed(uwe) opleggen soude ende/
sculdich was te dragen tderdel vanden penni(n)gen vanden/
coope voirs(creven) mette(n) derdendeele vanden costen D(aer)op de voirs(creven)/
wed(uwe) t(er) (contra)rien allige(re)nde dede seggen dat dat billix gevolcht/
soude wordden als op eene(n) dooden en(de) dat zij wijlen woute(re)n/
hue(re)n man hadde sien hebben penni(n)gen die in sijn hant die/
sij hem gegeve(n) hadde die hij seyde dat hij ghinck dragen/
sijnen vad(er) om d(aer) mede te betalen(e) sijn part vanden/
voirs(creven) houte en(de) aldus hoopte sij dat men v(er)doolt [was] op/
hue(r) dese scult aldus te v(er)sueken met meer woirden/
Dair tegen de voirs(creven) jan van hoelair t(er) (contra)rien p(rese)nteerde/
sijne(n) wettige(n) eedt dat hij noyt hellinc noch pe(n)ni(n)ck/
van sijne(n) sone noch nyemande and(er)s dair op ontfange(n)/
en hadde noch de voirs(creven) wed(uwe) en soudts oic ne(m)mermeer/
comen goetgedoen Es duytsprake vand(er) stadt want/
de voirs(creven) wed(uwe) allig(er)t dat huer man betalinge seyde te/
willen gaen doen van des voirscr(even) steet d(aer) bij sij genoech/
bekinde de mede deylinge van hue(re)n man wair sij/
met quitan(cie) oft levend(er) wairh(eit) den rechte genoech sijnde/
niet en can doen geblijken de betalinge vande(n) selven/
derdendeele van hue(re)n oft huers mans wegen geschiet/
te sijne en(de) de voirs(creven) jan van hoelair den eedt doet/
soe hij dien gep(rese)nteert heeft dat sij in dien gevalle/
gehouden sal sijn huer derdendeel opte leggen(e) In (con)silio/
opidi p(rese)ntib(us) hove burg(imagistr)[o] liefkenrode hoeve(n) scab(inis) et plu(r)ib(us)/
aliis de (con)silio octobr(is) xx
//
voirs(creven) cappart vercocht hadde den voirs(creven) janne van hoelair van drie/ boende(re)n om xli r(inssche) gul(den) want de daghe d(aer)aff gevallen ende/ overleden wae(re)n metten costen van gelaghe en(de) ande(re) dair/ inne v(er)leecht hopen(de) dat hem die gebue(re)n soude Dair op de/ voirs(creven) jan seyde dat hij bereet wae(re) de twee deele van dien/ te betalen en(de) want de voirs(creven) wijlen wout(er) sijn sone mede/ gedeylt hadde en(de) tderdel van dien gehadt en(de) sijn weduwe/ voirs(creven) nae huers mans doot dat som
Nagekeken door: kristiaan magnus
Moderator: kristiaan magnus
Laatste update:: 2017-03-27 door Claire Dejaeger