It(em) willem van lele als p(ro)cur(eur) diericx le begge rint/ meesters der stadt van loven(e) her henrick le begge prieste(r)/ ende lodewijck va(n) glymes voir hen en(de) den ande(re)n erf/ gename(n) en(de) nacomelingen en(de) oic actie hebben(de) vande(n)/ goeden gebleven nae de doot en(de) aflivich(eit) lanceloots/ wijlen le begge en(de) jouffr(ouwe) adden van vilroux wijlen/ sijnd(er) huysvr(ouwe) ter eende(r) sijde(n) en(de) h(er) jan jacobi prieste(r) en(de)/ collijn le charl(ie)r t(er) ander(er) hebben den dach va(n) rechte op/ hede(n) tussche(n) hen dienen(de) inde banc voir meye(r) en(de) scepen(en)/ van loven(e) uutgestelt en(de) gecontinueert op hope van peyse/ tot van heden in xv dagen naistcomen(de) om alsdan te dienen(e)/ gelijc dien op heden diende cor(am) liefkenrode hoeven dece(m)br(is) ii