Opden twivel die jan meys voirs(creven) vand(er) vestich(eit) voirs(creven)/ maicte ende v(er)sochte dair aff inde(n) name vande(n) voirs(creven)/ meest(er) henricke sijne(n) brued(ere) declaratie en(de) cleernisse vande(n)/ raide vand(er) stadt es hem gecleert in alsoe v(er)re die vestich(eit)/ alsoe gebuerde soe die gelijc voe(r) beworpe(n) es en(de) claes/ scribaen en(de) claes scribaen en(de) meest(er) cornel(is) claussone sijn/ behuwede sone die vande(n) voirs(creven) rinte(n) met irrevocabeld(er)/ p(ro)curatien dbewint gehadt hebben en(de) sullen blive(n) behouden(de)/ tot behoef vand(er) voirs(creven) johanne(n) ruwiers d(er) moed(er) besorge(n)/ ende doen besorge(n) dat die penni(n)ge(n) wed(er) zekerlic ter/ selver natue(re)n dat die stonden aengeleecht wordde(n) dat/ dan den selven raide dunct dat de voirs(creven) vestich(eit) ge/ noech sijn sal En(de) dat de voirs(creven) absente kinde(re) in dien/ gevalle als sij hue(r) p(ro)p(ri)eteyt vande(n) voirs(creven) erfrinte(n) vynden/ wel besorcht en(de) aengeleecht tot hue(re)n behoef gheen reden(en)/ hebben en sullen te weyge(re)n dapprobatie vand(er) voirs(creven)/ gued(inge) [en(de)] te doen(e) des in dien de voirs(creven) raes met sijnen/ ouders nu doen sal Act(um) in (con)silio opidi p(rese)ntib(us) hove burg(imagistr)[o]/ et plu(r)ib(us) aliis de (con)silio decembr(is) xix