It(em) henric vand(er) rivie(re)n en(de) joha(n)ne ruwiers sijn wijf hebbe(n)/ elc den ande(re)n ge(con)senteert gewillecort en(de) ov(er)geg(even) dat de/ leste leven(de) va(n) hen beyde(n) sal moege(n) doe(n) sijne(n) vryen eygen(en)/ wille het sij bij dispositien va(n) testa(men)[te] ghifte(n) va(n) huwelike/ v(er)coope v(er)thieringe(n) oft and(er)ss(ins) in wat manie(re)n dat zij/ met alle(n) alsulken v(er)cregen(en) goede(n) have en(de) erve oft vliegen(de)/ erve alse bij oft ond(er) den leste(n) leven(de) va(n) hen bevonde(n) sullen/ wordde(n) ten tijde als den stoel tussche(n) hen sceyde(n) sal V(er)binden(de)/ voir dond(er)houde(n) va(n) desen dierste aflivige va(n) hen alsnu voir/ alsdan tot behoef vand(en) leste(n) leven(de) realic en(de) met effecte alle/ de selve goede niet tege(n)staen(de) den lantrechte oft e(n)nige(n) ande(re)n/ sake(n) oft stucke(n) t(er) (contra)rien cor(am) hoeve(n) tybe dece(m)br(is) xx