Nae dien dat de scepen(en) van ghete alh(ier) hadden doen bescrive(n)/ woute(re)n le chene al(ia)s boilhe ov(er)mits seke(re)n appellatien die hij gedaen/ hadde van hue(re)n vo(n)nissen [gewesen ten p(ro)fijte va(n) hub(er)de gaugier] voir den raide m(ijns) gened(ichs) he(re)n boven dien/ dat zij hue(re) resort name(n) i(m)mediaet alh(ier) voir scepen(en) van loven(e)/ cont(ra)rie den lantrechte en(de) besund(er)t vanden rechte vande(n) hootvo(n)/ nisse van des(er) stat en(de) om vande(n) reden(en) d(er) selv(er) ombehoirlijcker/ p(ro)cedue(re)n geadverteert te sijne soe sijn op heden come(n) bijden/ raide vand(er) stat twee vande(n) selven scepen(en) van huer(er) ald(er)wege(n)/ t(er) eende(r) en(de) de selve wout(er) t(er) ander(er) sijden Aldair de selve/ scepen(en) v(er)haelt hebben de grieve en(de) ombehoirlijcke p(ro)cedue(re)n/ en(de) belastinge(n) voirs(creven) bege(re)nde want zij ond(er) trecht vande(n) hoot/ vo(n)nisse va(n) des(er) stat wae(re)n geseten en(de) alsoe t(er) yerst(er) instan(tie)/ behoirde(n) beroepen te sijne voir de he(re)n en(de) scepen(en) van loven(e)/ als voir huer hoot i(m)mediaet van saken dair aff p(ar)tien hen mochte(n)/ hebben bevonde(n) beswaert en(de) nerge(re)ns els dat de voirs(creven)/ wout(er) wordde ond(er)wesen oft bedwonge(n) de p(ro)cedue(re)n oft/ appellacien op he(n) elder gedaen costeloos af te doen(e) ende hem/ dair aff ongemoeyt te laten Te voirde(r) want dat alsoe/ nae den p(ri)vilegien vanden lande behoirde en(de) alse vanden/ mesbruycke ende excesse bij hem in desen begaen dat hij dat/ richten en(de) bete(re)n soude nae discretie vand(er) wet Op dwelc/ de voirs(creven) wout(er) kynnen(de) in des voirscr(even) steet t(er) yerste(r) instan(tie)/ eld(er) geappelleert te hebben(e) dan dat nae den p(ri)vilegien/ vande(n) lande behoirde ende dat hij d(aer) inne was geexce/ deert ende want hij sijne(n) eedt boet dat hij niet gewete(n)/ en hadde in dien te mesdoen hoe wel hem zeder t(er) kynnissen/ comen mocht sijn soe bat hij dat men hier op dooge woude/ hebbe(n) wa(n)t hij de ghene niet en was die wetens tege(n) de/ p(ri)vilegien vanden lande oft vanden goeden steden yet soude/ willen attempte(re)n oft vervolge(n) Aldus renu(n)cieerde hij uut(er)lijc/ vande(n) v(er)volge in desen tegen de wethoude(re)n geschiet in des/ voirscr(even) steet geloven(de) dat costeloos af te doen(e) en(de) dair/ op niet meer te vervolgen en(de) als vanden excesse mits/ sijnd(er) ontscult ende p(rese)ntacien voirs(creven) geloofde hij te bete(re)n des de/ wet alh(ier) uutspreken soude dat hij d(aer) inne soude moege(n) hebben/ mesdaen cor(am) berghe substit(u)[to] burg(imagistr)[o] hove burg(imagistr)[o] et cert(is) aliis/ de (con)silio januarii xii