Vand(er) questien gepoirt voe(r) den rade vander stadt tusschen/ janne p(er)soens ter eender joese van oirbeke die hem als/ geleyt totten goeden lodewijx uuyte(n) lyemi(n)gen hadde doe(n)/ leve(re)n soe hij seyde de goede desselfs lod(ewijx) namelijck/ de schult van xxxv r(ins) gul(den) t(er) ande(re) en(de) thomase warnier/ rintmeest(er) mijnd(er) vrouwe(n) va(n) salme(n) t(er) derder zijden d(aer) de/ voirs(creven) jan versocht te hebben(e) betalinge d(er) voirs(creven) xxxv r(ins)/ guld(en) achtervolgen(de) d(er) geluefte(n) hem d(aer)aff bijden voirscr(even)/ thomase gedae(n) gem(er)ct dat die gevalle(n) en(de) v(er)schene(n) ware(n) en(de)/ dat hij den voirs(creven) brieff opde(n) selve(n) thomase gevo(n)nist en(de) t(er)/ execucie(n) gestelt hadde en(de) d(aer) voe(r) den selve(n) thomase doe(n) hachte(n)/ dair tegen de voirs(creven) joes sustine(re)nde de (contra)rie meynde dat/ hem en(de) zijne(n) beleyde die volge(n) soude(n) en(de) sculdich waren/ te volge(n) en(de) dat zij(n) beleyt sculdich ware(n) te p(ro)cede(re)n der/ voirs(creven) simpelder geluefte(n) gem(er)ct dat die pe(n)ni(n)ge quame(n) va(n)/ lod(ewijx) gevallen(en) lijfrinten den voirs(creven) ja(n)ne p(er)soe(n)s t(er) c(ontra)rien/ sustine(re)nde en(de) seggen(de) dat zij(n) geluefte simpelijck geschiet/ was voe(r) en(de) eer joes beleyt en(de) tgene dat hem geloeft was/ meynde hij te verhale(n) aen zijne(n) verlove(re) den welk(en) de voirscr(even)/ joes soe hij meynde met zijne(n) beleyde niet en conste bescudde(n)/ tege(n) zijn geluefte Tegen dwelck de voirs(creven) thomaes ky(n)nen(de)/ genoech hem v(er)loeft te hebbe(n) aenden voirs(creven) p(er)soen inde voirs(creven)/ so(m)me ende dat die gevallen was en(de) t(er) execucie(n) gestelt en(de)/ hij d(aer) voe(r) gepraemt mair want de voirs(creven) joes hem die scult/ als geleyt hadde doen leve(re)n en(de) he(m) doen bevele(n) op groote/ pene(n) die niet ov(er) te leve(re)n zij en ware(n) beslicht mett(er) my(n)nen/ oft mette(n) rechte en(de) men bevi(n)den soude dat de voirs(creven) xxxv r(ins)
//
gulden(en) die hij geloeft hadde quame(n) va(n) lod(ewijx) gevallen(en) lijfpachte(n)/ op m(ijn) vrouwe(n) goede va(n) salme(n) d(aer)aff hij rintmeest(er) was en(de)/ last hadde te betale(n) en(de) men niet bevi(n)den en soude dat m(ijn)/ vrouwe oft hij anders in lodewijcke(n) gehoude(n) ware(n) en(de) hij/ die pe(n)ni(n)ge onder wet gesedt hadde tot behoeff va(n) ja(n)ne/ p(er)soens joese va(n) oirbeke oft de ghene d(aer)toe recht hebben(de)/ soe sustineerde hij met eend(er) betalinge(n) te gestane D(aer)teg(en)/ de voirs(creven) p(er)soens de (contra)rie sustin(er)de hielt hem aen zij(n) geluefte/ ende meynde dat thomaes d(aer) voe(r) geva(n)gen blive(n) soude/ tot dat hij die hadde voldaen Es duytsprake vander/ stat dat de voirs(creven) thomaes gehoude(n) sal zij(n) den voirscr(even)/ ja(n)ne p(er)soens te voldoen(e) vanden voirscr(even) scepen(en) brieven/ oft hem d(aer)aff tontw(re)ckene op dat hij can met rechte inde/ banck voir meye(r) ende scepen(en) va(n) loven(e) dair dat behoirt/ In cons(ilio) op(pidi) p(rese)ntib(us) god(efrido) vand(en) berghe naus(nidere) sub(stitu)[t(is)] burg(imagistris)/ junii ultima