Nae dien dat op heden wed(er)om henrick vanden nyeuwe(n)huyse sinte/ pet(er)sman clachtich is geweest bijden raide vand(er) stadt ov(er) den/ meye(r) en(de) scepen(en) van veerle van dat zij bove(n) d(er) t(er)mi(n)acien tande(re)n/ tijden tusschen hen aug(usto) v lestleden gewesen weyge(re)n d(er) bancken/ recht te doen(e) op alsulken goede als dair gelegen sijn als van/ seke(re)n lijfpen(sie) die hij dair op p(re)tendeert te hebben(e) v(er)sueken(de) na/ volgen(de) d(er) selv(er) t(er)mi(n)acien alnoch bedwonge(n) te hebben(e) tvoirs(creven)/ recht vand(er) banck he(m) te doen(e) met oick den costen van rechte bij/ hem in des(er) geleden gemerct der weygeringe(n) en(de) v(er)trecke d(er) selv(er)/ Dair op de voirs(creven) meye(r) en(de) scepen(en) wed(er)om te kynne(n) gaven de/ selve reden(en) die sij tande(re)n tijden geallig(er)t hadden en(de) besund(er)t/ wa(n)t hij s gheen scepen(en) brieve en allig(er)de exhibeerde dat zij/ nae d(er) bancken recht hem in dien gheen recht sculd(ich) en wae(re)n te/ doen(e) D(aer) op de selve sinte pet(er)sman r(e)plice(re)nde seyt al en hadde/ hij gheene brieve nochtan wae(re) d(er) bancken recht dat me(n) hem/ op cautie wae(re) scul(ich) recht te doen(e) die hij gestelt hadde en(de)/ oick innegeseten(e) va(n) veerle was bliven(de) bijde voirs(creven) (con)clusie/ en(de) voirt(er)mi(n)acien en(de) de voirs(creven) scepen(en) bij hue(re)n voirnemen(en) en(de)/ dat de selve henr(ick) sculd(ich) soude sijn hen op te leggen(e) de costen/ bij hen ov(er)gesonden Es geappointeert opde voirs(creven) materie/ geledt sijnde en(de) opde voirt(er)mi(n)acien nae v(er)treck en(de) weyge/ ringe(n) d(er) selv(er) wethoude(re)n va(n) veerle dat de voirs(creven) wethoude(re)n/ den selve(n) sinte pet(er)sma(n)ne sculd(ich) sijn sond(er) v(er)treck d(er) bancken/ recht te doen(e) navolgen(de) der voirt(er)mi(n)acien bijd(er) stadt d(aer)aff/ gegeve(n) dair bij sij bleve(n) en(de) dat de voirs(creven) wethouders van
//
veerle den voirs(creven) sinte pet(er)sma(n)ne zijn costen van rechte in desen/ bij hem geleden sculdich sijn opte leggen(e) en(de) te betalen(e) behalve(n)/ hen huer(er) di(mi)nutien In consilio opidi aug(usti) xxvi