It(em) lodewijc appelman als momboer ende tutoer van sijne(n) kinde(re)n/ alnoch in sijne(n) broode wesen(de) die hij hadde van marien/ bieswale dochter wijlen jans bieswale al(ia)s van bossuyt/ en(de) jan vander hoeve(n) vleeschouwe(r) als man en(de) momboer va(n)/ josijne(n) des voirs(creven) lodewijcx dochter in p(rese)ntia kynne(n) ende/ lijden mits desen uutgegeve(n) te hebben(e) pierarde coel sone/ wijle(n) lambeerts woenen(de) te pietrem alle en(de) yegewelke alsulkx/ wynnen(de) land(e) als de voirs(creven) wijle(n) jan bieswale houden(de) en(de)/ besitten(de) was en(de) hem toebehoirde(n) te pietrem voirs(creven) Te houde(n)/ ende te hebbe(n) eene(n) t(er)mijn van ix jae(re)n innegaen(de) te half/ meerte naistcomen(de) om ende vore xii mudd(en) rogs d(er) mate(n)/ van loeven(e) wel bereyt jairlijx den voirs(creven) termijn due(re)nde/ te leve(re)n te loeven(e) tot hue(re)n huyse quol(ibet) ass(ecut)m Op condicie/ ende vorwerd(en) dat den voirs(creven) pierarde te baten come(n) sulle(n)/ ende volghen alle en(de) yegewelke alsulke(n) but(en) pachten/ en(de) rinte(n) van coren(en) als de selve jan wijle(n) bieswale ald(aer)/ aen diverse p(er)sone(n) houden(de) en(de) heffen(de) es en(de) oic thuys/ toebehoiren(de) wijlen marien del vail bijde(n) voirs(creven) ja(n)ne/ uutgewonne(n) in sijne(n) tijd(en) dwelc deselve wyn in state/ sculdich sal sijn te houden(e) en(de) bezund(er)t van wande ende/ dake sonder nochtan voirder gehoude(n) te sijne dan inde/ xii mudd(en) voirs(creven) jairlijx te betalen(e) Met condicie(n) oft aende/ voirs(creven) goede e(n)nich schade gebuerde van hagele tempeeste/ oft and(er)ssins dat sij d(aer) aff met malcande(re)n doen sulle(n) gelijc
//
regenoten bove(n) ende benede(n) It(em) sal de voirs(creven) wynne/ de wynnen(de) lande vande(n) voirs(creven) goeden jairlijx sijne(n) t(er)mijn/ due(re)nde wynne(n) werve(n) en(de) mesten wel ende loflijc gelijc/ regenote(n) boven ende benede(n) ende die tsijne(n) afscheiden(e)/ bloet laten soe hij die tsijne(n) aencomen(e) aenveerde cor(am)/ py(n)nock hoeve(n) sept(embris) iiii[ta]