It(em) want de voirs(creven) meest(er) joes renu(n)c(ians) als voe(r) bekint heeft/ gehaven te hebben vanden pe(n)ni(n)gen gecome(n) vanden gemeyne(n)/ goede(n) huer(er) ouders die den selve(n) meeste(re)n joese marien en(de)/ amelen sijne(n) suste(re)n int gemeyne toebehoirden en(de) geordineert/ en(de) bereet gemaict sijn om d(aer) mede te coopen de rinte(n) en(de)/ totten missen en(de) ande(re)n dingen nae bescr(even) acht(er)volgen(de) den/ testame(n)te vanden ouders der selv(er) kinde(re)n en(de) oic anderssins/ des hier nae volcht Ierst tderdel van lxxviii r(inssche) gul(den) eens/ oft van iiii r(inssche) gul(den) vi st(uvers) ii pl(a)c(ken) erflic den d(enier) xviii geordin(er)t/ tot eend(er) erfweecmissen ind(er) kerken van s(in)te pet(er)s te loven(e) op/ sinte anthonijs altair ald(aer) jairlijcx des vrijdaichs gefondeert voir/ elke d(er) selver v pl(a)c(ken) It(em) tderdel van liiii pet(er)s eens v oft van/ drie pet(er)s erflic voir een erfweecmisse ten p(re)dike(re)n gefondeert/ It(em) tderdel van xxx pet(er)s eens voir den erfleen oft xxx st(uvers)/ erflic gelate(n) den swertte(n) suste(re)n te loven(e) It(em) tderdel van xviii/ croone(n) eens te xxiiii st(uvers) tstuck voir de erfkeersse gelaten de/ ind(er) voirs(creven) kerken van s(in)[te] pet(er)s voir s(in)te anth(onijs) altair It(em)/ xviii r(inssche) gul(den) bij arnde v(er)leecht voir meest(er) joesen part van/ sijnd(er) moed(er) exequien en(de) kerkenrechte It(em) noch c xl r(inssche) gul(den)/ voir de lossinge vande(n) x r(inssche) gul(den) lijfpen(sie) met vier jair acht(er)/ stels aen [vacat] giel(ise) religieux s(in)[te] g(er)trude(n)/ te loven(e) d(aer) voe(r) de selve arnt en(de) meer ande(re) des voirs(creven) meest(er)/ joes borgen sijn En(de) d(aer)enbove(n) noch xviii r(inssche) gul(den) eens oft/ eene(n) r(inssche) gul(den) erfl(ic) soe sij des mynlic bij ond(er)wijse van/ vriende(n) overcomen sijn inde scade vande(n) xlix r(inssche) gul(den) eens/ die de selve meest(er) joes gerekents gelts den selve(n) arnde/ noch and(er)ssins van div(er)sen sculden en(de) waren van laken(en) ge/ leenden gelde en(de) anderssins sculd(ich) was bove(n) de ix r(inssche) gul(den)/ eens die dabt van rode den selve(n) arnde sculdich es/ van laken(en) dair de voirs(creven) meest(er) joes voir gesproken
//
ende v(er)antweert soude hebben soe amele arnts wijff seecht d(aer)aff/ meest(er) joes onscult bieden(de) de (contra)rie seecht d(aer)aff p(ar)tien bliven op/ hue(r) beloop van rechte It(em) noch xviii r(inssche) gul(den) eens in ge(re)den/ pe(n)ni(n)gen uut arnts handen gehave(n) Soe es den voirs(creven) brieff/ te des(er) meyni(n)gen den voirs(creven) arnde bekint t(er) vestich(eit) vande(n) selve(n)/ xiiii r(inssche) gul(den) erflic en(de) d(er) bewijssenissen d(er) selver om aen meest(er)/ joese en(de) sijn goede en(de) kintsgedeelte te v(er)volge(n) met rechte/ jairlijcx de selve xiiii r(inssche) gul(den) erflic en(de) de bewijssenisse van/ dien tallen tijden alst arnde gelieft en(de) die te bekee(re)n en(de) te/ bestaden in voldoeni(n)gen en(de) lossingen van des voirscr(even) steet/ cor(am) eisd(em)