It(em) es den voirs(creven) brief bekint te dier meyni(n)gen dat de voirs(creven)/ executeurs oft arnt hen d(air) mede t(er) stont sullen moege(n) doen/ leyden tot allen den goeden beyde have en(de) erve des voirs(creven) meest(er)/ joes soe wair die gelege(n) sijn oft bevonden sullen wordden/ en(de) d(air) mede aende selve goede dair sij die gereetst sullen wete(n)/ te vynden oft te gecrijge(n) soe wel aende goede van couroit/ t(er) capellen dbeemdeken ond(er) hev(er)le deen mudde corens/ erflijc dat meest(er) joes noch heeft te dongelb(er)t oft dair/ omtri(n)t aende so(m)me vande(n) cxxviii r(inssche) gul(den) dair scepen(en)/ brieve(n) aff sijn die de selve meest(er) joes meynt aen ja(n)ne/ va(n) thiene(n) te wynne(n) Oic aende so(m)me vand(er) cedullen vand(en)/ registre die de voirs(creven) wijlen qui(n)ten opden selve(n) janne/ hadde en(de) die noch in wesen(e) es Dair aff meest(er) joes/ de t(er)mi(n)acie hem van dier cedullen tege(n) gewesen in refor/ matien betoge(n) heeft voir den brabantsche(n) raide die de/ selve meest(er) joes oick meynt oick te recouve(re)ren voirt/ aende xxxiii r(inssche) gul(den) oft d(air) omtri(n)t die jan va(n) thiene(n) soe/ meest(er) joes seecht in rechte gekint soude hebben van meest(er)/ joese ontfange(n) te hebben(e) als hij die oft e(n)nige van dien/ drie so(m)men gewonne(n) sal hebben aende xi mudden core(n)s/ eens den selve(n) meest(er) joese ombetailt uutstaen(de) soe hij
//
seecht ond(er) deurne en(de) bevekem soe aen dande(r) des voirs(creven) meest(er)/ joes goede have en(de) erve wair oft te wat plecken die gelege(n)/ sijn te verhalen de so(m)me van hondert en(de) xxii rinssche gul(den)/ te lx pl(a)c(ken) tstuck Dair aff de selve meest(er) joes bekint heeft getoge(n)/ te hebben(e) de hond(er)t en(de) tweelff r(inssche) gul(den) uute(n) pe(n)ni(n)gen nae/ sijnd(er) moed(er) doot gebleve(n) D(air)aff de selve moed(er) inde(n) voirs(creven) hue(re)n/ testame(n)te gedisponeert en(de) den voirs(creven) executuers last gegeve(n)/ heeft Welke cxii r(inssche) gul(den) bekeert sullen wordde(n) inde/ sculde(n) die men reyne(re)n wijtfliet sculd(ich) es Dair arndt inne/ gecondampneert es om den selven arnde en(de) sijn goede d(air)aff/ tontlasten(e) en(de) dand(er) thien r(inssche) gul(den) van gelde meest(er) joese/ bijden voirs(creven) meest(er) clase t(er) beden van arnde meest(er) joes swag(er)/ geleent met allen costen en(de) lasten die de selve executeurs/ d(air) o(m)me gehadt en(de) gelede(n) hebben oft alnoch sulle(n) moegen/ lijden in e(n)nig(er) manie(re)n cor(am) eisd(em)