It(em) henrick bone sone wijlen jans die met scep(enen) brieve(n) van/ loven(e) vand(er) daet nove(m)br(is) xvii a(n)ni lxxv in helichtwy(n)ni(n)/ gen nam van arnde van pede sone he(re)n arnts wijlen van/ pede ridders thoff desselfs arnts geheete(n) ten moerte(re) gelege(n)/ te he(re)nt op seke(re) (con)dicien nae uutwijsen d(er) selv(er) scep(enen) brieve(n)/ van welker nemi(n)gen de pechtinge expire(re)n en(de) uutgaen/ soude van halfm(er)te naistcomen(de) ov(er) een jair in p(rese)ntia heeft/ bekint wed(er)inne genome(n) te hebben(e) tselve hoff vanden/ voirs(creven) arnde Te houden te hebben te wynne(n) en(de) te ge/ bruycken van uutgange d(er) voirs(creven) pechtinge(n) alsoe lange/ alst hen beyden gelieve(n) sal opde selve (con)dicien bespreke/ en(de) vorweerden inden voirs(creven) scepen(en) brieve(n) begrepe(n) Ende/ d(air)enbove(n) noch opde (con)dicien hier nae bescreve(n) En(de) soe wa(n)/ neer e(n)nich van hen vande(n) ande(re)n begheert te sceyden dat/ alsdan de ghene die sceyden wilt dat den ande(re)n een/ jair te vo(r)en sculdich sal sijn te cundigen Behalve(n) dat
//
sij van malcande(re)n niet sceyden en sullen de aerde en sulle(n)/ liggen en(de) gehanteert sijn soe die opde(n) dach va(n) heden/ ligge(n) en(de) behoire(n) gehanteert te sijne en(de) gewonne(n) te wordde(n)/ tussche(n) dit en(de) halfm(er)te naistcomen(de) Te weten(e) tgroot/ block met t(ar)wen besaeyt op vier getijdege vo(r)en ge/ mest en(de) gewonne(n) gelijck reengenoote(n) It(em) de vijff boende(re)n/ gelegen aende lynde insgelijcx gewonne(n) gemest ende/ gesaeyt als vo(r)e met t(ar)wen En(de) desgelijcx noch vijff/ dach(mael) inde(n) selve(n) aert oic met t(ar)wen Ende dande(r) lant/ inde(n) selve(n) aert met rogge En(de) voirt dande(r) aerde late(n) gelijck reengenoote(n) Met (con)dicien dat de voirs(creven) henrick/ die eene(n) seke(re)n tijt de thiende d(er) he(re)n va(n) camerijck ende/ kerrelande vanden selve(n) he(re)n genome(n) heeft en(de) die noch/ drie jair d(air) aen heeft den voirs(creven) arnde van pede opt re/ gist(er) d(er) he(re)n va(n) camerijck sal doen stellen en(de) die thiende/ en(de) lande sal laten volgen sijne(n) t(er)mij(n) voirs(creven) en(de) dien uut/ sijnde hem de selve thiende niet en(de) lande niet en sal/ ond(er)gaen oft doen ond(er)gaen Mair hem alle behulp hem/ moegelijc sijnde doen dat arnt die hebben sal de naiste/ sesse jair d(air) nae volgen(de) en(de) dat die den voirs(creven) arnde/ van pede volgen en(de) in sijn voirs(creven) hoff come(n) sal soe de/ voirs(creven) henrick gelooft heeft en(de) mits desen gelooft It(em) soe v(er)re/ de voirs(creven) henrick behult thoff dat hij gecrege(n) heeft gelege(n)/ te tieldonck soe heeft de voirs(creven) arnt geconse(n)teert ende/ gewillecort dat de selve henrick dese drie jair naistcomen(de)/ sal moege(n) vue(re)n uute(n) voirs(creven) hove vande(n) moirte(re) vanden/ stroo vande(n) lande(n) van dien en(de) vand(er) thiende(n) voirs(creven) comen(de)/ elcx jairs d(er) selv(er) drie ja(r)en vijftich mandele(n) stroos int/ voirs(creven) hoff bij hem vercrege(n) om dat aldair te slijte(n) tsijnd(er)/ geliefte(n) En(de) soe v(er)re hij tselve hoff niet en behult soe/ moet allet stroo bracht blive(n) en(de) geslete(n) wordde(n) int/ voirs(creven) hoff vande(n) moerte(re) nae inhoude(n) d(er) voirs(creven) ond(er)pech/ tinge(n) Behalve(n) alleene dat hij sijn lande die hij alsnu heeft/ uute(n) voirs(creven) hove sal moege(n) mesten en(de) wynne(n) gelijck/ hij tot heer toe gedaen heeft sond(er) dat hij e(n)nige ande(re) lande/ die hij meer soude moege(n) v(er)crijge(n) soude moege(n) wynne(n)/ ende mesten uute(n) voirs(creven) hove en(de) dat hij sijn lande niet/ meer mesten en sal dan arnts lande It(em) sal de wynne
//
jairlijcx den voirs(creven) arnde sijne(n) tijt due(re)nde geve(n) sesse goede/ custbaire kesen bove(n) den zaenkese ind(er) pechtinge(n) voirs(creven) be/ grepen Ende alle dese vorweerde(n) (et)c(etera) cor(am) m(athia) berghe nau/ snyde(re) julii xxvi