Vanden stoote wesende tusschen clase de hane van arendonck/ poirte(r) va(n) loven(e) t(er) eende(r) en(de) pete(re)n vilairt van eyndhove(n) vas/ trarde van aelsvort en(de) henricke sijne(n) sone vande(n) bossche t(er) ande(re)/ op div(er)se pointe(n) tussche(n) hen uuytstaen(de) beyde van versterffenisse/ van haeflijken en(de) erflijcken goeden oft makingen va(n) testame(n)te/ injurien oft anderssins D(air) o(m)me de voirs(creven) tweeste p(ar)tie bijden/ voirs(creven) poirte(re) alh(ier) bescr(even) es geweest d(air) sij voir den raide vand(er)/ selv(er) stadt tegen malcande(re)n geweest hebben en(de) allet ghene
//
des d(air)uut gesprote(n) mach sijn in e(n)nig(er) wijs hebben hen de selve/ p(ar)tien gesubmitteert en(de) v(er)bonde(n) in segge(re)n en(de) vrindelijke yeffene(re)n/ te weten de voirs(creven) claes in ja(n)ne va(n) udekem voirspreke en(de)/ de voirs(creven) and(er) p(ar)tie in meest(er) goirde van ghempe prieste(r) in sulker/ vuegen dat de segge(re)n die van p(ar)tien geschille genoech geinformeert/ sijn hue(r) uutsprake d(air)aff doen sullen mett(er) zonne(n) Promitt(entes) rat(um)/ cor(am) g(odefrido) berghe vynck octobris vi