It(em) margriete oud(er)s wed(uwe) jans wijlen speelberch sust(er)/ der voirs(creven) jans henricx katlijne(n) g(er)trude(n) en(de) lijsbetten/ voir huer en(de) inden name van hue(re)n wettigen kinde(re)n/ die sij hier inne gelooft te vervangen in p(rese)ntia heeft/ gekint dat sij mette(n) voirs(creven) wijlen ja(n)ne hue(re)n man/ en(de) in sijne(n) leven(de) live geheelijc en(de) al uutgecocht es/ en(de) dueghdelijck v(er)nuecht mits div(er)sen haeflijcken goede(n)/ bij huer en(de) hue(re)n man in geheelen stoele gehave(n) en(de)/ getoge(n) van allen den rechte actien en(de) v(er)sterffenisse(n)/ huer v(er)schene(n) en(de) die sij e(n)nichssins hebben mochte inde/ erfgoede gebleve(n) acht(er) wijlen ja(n)ne ouders en(de) katlijne(n)/ sijnd(er) huysvr(ouwe) hue(re)n vad(er) en(de) moed(er) En(de) dat sij en(de)/ hue(r) kinde(re) mits dien van en(de) uut(er) deylinge(n) d(er) vande(n)/ selve(n) goede(n) gesloten sijn sond(er) e(n)nige fraude bedroch/ oft argelist Geloven(de) mits dien de voirs(creven) deylinge(n)/ ende v(er)thidinge(n) goet vast gestentich en(de) van weerde(n)
//
te houden tot eeuwige(n) dagen sond(er) d(air) tege(n) yet te doen(e) voirts/ te keren(e) oft te attempte(re)n bij huer selve(n) oft yema(n)de and(er)s in gheend(er)/ manie(re)n opde goede voirs(creven) tot behoef d(er) gheenre dien dat/ nae den ond(er)sceyde voirs(creven) aengaen mach renu(n)cie(re)nde ende/ verthiende Promitt(ens) sat(isfacere) cor(am) eisd(em)