Item symoen vander lynden barbier wonen(de) inde bieststrate/ t(er) eender en(de) jan metter huyve(n) legwercke(r) t(er) ande(re)n zijden/ sijn bij middele en(de) toedoen(e) van hue(re)n vrienden en(de) den/ stadmeest(er)s mi(n)lijck ov(er)come(n) en(de) eensworden van hue(re)r beyd(er)/ huyse(n) bij een gelegen inde bieststrate voirscr(even) opde/ voerbrugghe der pointe(n) condicien en(de) vorw(er)den h(ier)nae/ bescr(even) die zij malcande(re)n geloeft hebben te voldoen(e) voir/ hen hue(re)n erve(n) en(de) nacomelingen tot eeuwige(n) daghen/ Inden yersten dat de voirscr(even) symoen sal moege(n) varen/ inden want die jan metter huyve(n) aldair gemaect en(de)/ gestelt heeft met zijne(n) stijlen rijckelen en(de) balken/ en(de) sulle(n) alsoe beyde de voirscr(even) [p(ar)tien] ind(en) selve(n) want/ moege(n) vare(n) met intoge(n) [anckers] en(de) anders alsoe dat/ van noode sal moege(n) wese(n) Item sulle(n) de selve/ p(ar)tien te gelijcken coste houden tot eeuwige(n) dage(n)/ den want tusschen hue(re)r beyder erve staende alsoe/ wel onder als bove(n) zoe v(er)re dat symoens huys/ acht(er)wert strect en(de) niet voirde(r) Desgelijx sulle(n)/ de selve twee p(ar)tien gesamentlijck de gote hen/ beyden toebehoiren(de) bove(n) de voirscr(even) want hulpe(n)/ leggen en(de) die voirtane ten gelijcken coste tot/ eeuwige(n) dagen onderhoude(n) It(em) es bevorw(er)t zoe/ v(er)re e(n)nigen last quame van des eens? huyse/ op dander huys dat dien last gedrage(n) sal/ worden bijden ghene(n) van wiens huyse den last/ toequame cor(am) pynnock vynck octobr(is) xxiii