It(em) jonch(e)r henrick van arschot hee(re) van scoenhove(n) t(er) eende(r)/ en(de) jouffr(ouwe) yvete van tille sijn wettige medegeselli(n)ne/ t(er) and(er) sijden die eene wijle tijts va(n) malcande(re)n v(er)sceyde(n)/ sijn geweest en(de) alnoch v(er)sceyden sijn in p(rese)ntia hebben ge/ kint en(de) gelijt dat sij bij middele toedoen(e) en(de) ond(er)wijse/ van vrinde(n) in wed(er)sijden v(er)accordeert sijn met mal/ cande(re)n d(er) pointe(n) en(de) nae (con)dicien nae bescreve(n) die/ sij elc den ande(re)n gelooft hebben gestentich tond(er)houde(n)/ en(de) te voldoen(e) en(de) namelijck de voirs(creven) henrick he(re)n frede/ rijcke van wittha(m) ridde(r) en(de) he(re)n arnde va(n) eynatten/ canonick va(n) sinte s(er)vaes te maestricht als mage en(de)/ vrinde d(er) selv(er) jouffr(ouwen) yvete(n) aut alteri En(de) inde(n) yerste(n)/ dat de voirs(creven) jouffr(ouwe) yvete afdoen drage(n) en(de) cuelen/ sal alsulken acht(er)stellige(n) pachte(n) alse arnt vanden/ stade met sijne(n) medepleg(er)s verleecht hebben vande(n)/ iii(½) gulden leeuwe lijfpen(sien) die machiel va(n) potsuyns/ berghe heeft en(de) heffen(de) es met scepen(en) brieve(n) va(n) loven(e)/ aen en(de) op he(re)n ja(n)ne wijlen van scoenhove(n) ridde(r)
//
als p(ri)ncipael den voirs(creven) arnde vanden stade en(de) meer ande(re)/ als borge(n) met oic den coste(n) d(air) om gebuert gedragen(de)/ tsame(n) xl r(inssche) gul(den) en(de) dat te twee t(er)mijne(n) te weten(e)/ half gereet en(de) dand(er) helicht te bamisse naistcomen(de)/ Dat voirts de selve jouffr(ouwe) yvete cuelen dragen/ en(de) afdoen sal alsulken scult alse de voirs(creven) jonch(e)r henr(ick)/ huer man sculd(ich) es d(er) brued(er)scap va(n) sinte g(er)truden/ te loven(e) En(de) die vii hollan(sche) gulden(en) te xvi st(uvers) tstuck/ die insgelijcx de selve jonch(e)r henr(ick) sculd(ich) es gielise/ weyns briede(r) tarschot Ende den selve(n) jonch(e)r henricke/ en(de) ande(re) voir de voirs(creven) porceelen van sculde(n) verobligeert/ ontlasten Voirt sal de selve jouffr(ouwe) yvete den voirs(creven)/ jonch(e)r henricke hue(re)n man t(er) stont versien va(n) twee mid/ delbaire(n) bedde(n) mette(n) hootpoluwen vier paer slapelaken(en)/ twee paer oircussen(en) en(de) twee sargien En(de) t(er) and(er) sijden/ sal de voirs(creven) jonch(e)r henrick va(n) nu voirtane tot sijne(n)/ laste dragen en(de) cuelen de voirs(creven) lijfpen(sie) aen mychiele/ va(n) potsuynsb(er)ge en(de) oic voirtmeer alle ande(re) sculden/ die d(air) meer van wegen wijlen he(re)n jans va(n) scoenhove(n)/ voirs(creven) oft oic van sijns selfs wegen te gelden sijn oft/ bevonden oft oic gemaict sulle(n) moege(n) wordde(n) in/ e(n)nig(er) manie(re)n en(de) d(er) voirs(creven) jouffr(ouwen) en(de) hue(r) goede have/ en(de) erve d(air)aff allessins ontlaste(n) en(de) quijthoude(n) met sijne(n)/ goede(n) sond(er) argelist En(de) oft d(air) e(n)nige(n) last op gebuerde/ dien soude hij gehoude(n) sijn te dragen Es voirt vor/ weerde alsoe v(er)re als tussche(n) hen eerlijck divortie soude/ moege(n) gebue(re)n en(de) de rechte(n) d(air)inne consenteerde(n) dat sij/ dat oic niet belette(n) en sullen mair d(air) inne consente(re)n/ altijt hue(r) huwelijcsche vorweerde in esse en(de) va(n) weerde(n)/ bliven(de) Behalve(n) dat tselve divortie gesciede sond(er) jonch(e)r/ henricx cost cor(am) scoenvorst vyncke octobr(is) xxiiii