Want willem van leefdale als geleyt nae des(er) stadt/ recht voir sijn wettich gebreck uut crachte va(n) scepen(en)/ brieve(n) van loven(e) tot allen den goede(n) beyde have en(de)/ erve jonck(e)r warniers va(n) wittha(m) en(de) he(re)n augustijns/ vande(n) borchove(n) ridders soe wair die gelege(n) sijn hem/ met ja(n)ne lenarts vorste(r) in des(er) stadt alle de selve/ goede des voirs(creven) he(re)n augustijns bynne(n) d(er) stat en(de) vrijh(eit)/ gelege(n) namelijc sijn woeni(n)ge gelege(n) opde biest mette(n)/ toebehoirte(n) d(air)inne alsnu woenachtich es yweyn ramp(ar)ts/ behoirl(ijck) heeft doen leve(re)n en(de) ten selve(n) huyse en(de) oic yweyne/ en(de) henricke p(ri)oer p(ro)cur(eur) des voirs(creven) he(re)n augustijns de conde/ doen doen en(de) dach besceyde(n) te compare(re)n inde banck/ voir meye(re) en(de) scepen(en) va(n) loven(e) oft sij hen tege(n) de voirs(creven)/ leveri(n)ge hadde(n) wille(n) oppone(re)n ald(air) sij niet en compar(eer)/ den den voirscr(even) geleydden compare(re)nde en(de) trecht voirt/ v(er)sueken(de) Soe hebben scepen(en) van loven(e) t(er) manissen smeyers/ nae dat hen bij cleernissen des voirs(creven) vorst(er)s behoirlijck hadde/ gebleken de voirs(creven) leveri(n)ge en(de) dachbesceydinge geschiet te/ sijne gewesen voir een vo(n)nisse dat men den voirs(creven)/ geleydde(n) vande(n) voirs(creven) goede(n) houde(n) soude inde macht/ van sijne(n) scepen(en) brieve(n) voirs(creven) alsoe v(er)re alst noch voir/ scepen(en) come(n) es In sca(m)pno octobr(is) xxv