Vand(er) q(ue)stien gecome(n) bijden raide vand(er) stat tussche(n) barbelen/ van testelt t(er) eende(r) en(de) bijne(n) vande(n) bossche t(er) and(er) sijden/ aengaen(de) goedelen hue(re)r beyd(er) kint d(air)aff de selve barbele/ eyscht trecht vande(n) kind(er)bedde en(de) oic den montcost vande(n)/ selve(n) kinde voir een jair want sijt een jair tot hue(re)n/ coste gehoude(n) hadde d(air)aff tselve jair uutgaen soude/ omtri(n)t s(in)[te] m(er)tensmisse naistcomen(de) bege(re)nde d(air)aff te
//
hebben(e) ten mynsten t(er) weken eene(n) stuv(er) D(air) tege(n) de voirs(creven) bijne(n)/ seyde dat hij te vreden was huer huer kind(er)beddegelt te beta/ len(e) Mair hielt hem voe(r) seke(r) sijn have die hij beg(eer)de va(n)/ huer gerestitueert te hebben(e) en(de) d(air)entinde(n) p(rese)nteerde hij huer/ tkind(er)beddegelt te betalen(e) En(de) als vande(n) montcoste seyde/ hij hoe dat sij tkint gehaelt hadde d(air) hijt bestaet hadde hopen(de)/ mits dien d(air) van ongehoude(n) te sijne Dair op de voirs(creven)/ barbele replice(re)nde en(de) besund(er)t aengaen(de) d(er) restitucie(n) vand(er)/ have(n) bij hem versocht te hebben(e) seyt hoe dat hij oic seke(re)/ haeflijcke goede van huer ov(er)hadde te weten(e) een bedde iii/ paer slapelaken(en) i sargie ii a(m)melaken(en) drye hy(m)men en(de) oick/ ix r(ijnssche) gul(den) va(n) geleende(n) gelde soe sij seyde vande(n) welken/ sij oic beg(eer)de restitucie te hebben(e) eer sij vand(er) voirs(creven) sijnder/ have(n) sceyden soude met meer woirden in wedersijden ge/ allig(eer)t Es geappointeert dat de voirs(creven) bijne(n) sculdich sal/ sijn opte leggen(e) trecht vanden kind(er)beddegelde En(de) d(air)entinde(n)/ sullen sij met malcande(re)n ov(er)come(n) en(de) eenswordde(n) aengaen(de)/ hue(re)r beyd(er) have(n) en(de) geleende(n) penni(n)gen va(n) hue(re)r sijden geleent/ om d(air)entinde(n) malcande(re)n restitucie te doen(e) soe dat behoire(n)/ sal En(de) als vande(n) montcoste sal de voirs(creven) bijne(n) gehoude(n)/ sijn de helicht vande(n) voirs(creven) stuv(er) t(er) weken te betalen(e) te/ loven(e) kermisse naistcomen(de) en(de) dand(er) helicht s(in)[te] m(er)tens/ misse dair naist volgen(de) In consilio op(idi) julii vi