Van alsulken questien en(de) geschille(n) als geweest sijn tusschen/ jouffr(ouwen) agathen bosket wed(uwe) jans wijlen godefroit t(er) eende(r)/ en(de) ja(n)ne bade t(er) ander(en) sijden sijn de selve p(ar)tien gesubmitt(eer)t/ inde segg(er)s en(de) mynlijcke yeffene(re)n hier nae bescreve(n) Te/ weten(e) de voirscr(even) jouffr(ouwe) agathe bosket in ja(n)ne bosquet/ hue(re)n brued(er) en(de) jaques le bucq en(de) de voirs(creven) jan bade in ja(n)ne/ bade sijne(n) vad(er) en(de) pete(re)n de fontengniez meye(r) te greiz In/ sulker vuege(n) dat de voirs(creven) p(ar)tien hue(r) seggers van hue(re)n/ geschillen bynnen acht dagen naistcomen(de) informe(re)n sullen/ ende bynnen eend(er) maent dair nae sullen de voirs(creven) segg(er)s/ hue(r) uutsprake dair aff doen op dat sijs eens sijn Ende/ elc vande(n) voirs(creven) p(ar)tien heeft gelooft goet en(de) gestentich te houde(n)/ op een pene oft abanduyn va(n) vi r(inssche) g(ulden) te lx pl(a)c(ken) tstuck half/ tot behoef vande(n) offic(ie)r vand(er) plaetse(n) en(de) half tot behoef d(er)/ p(ar)tien die duytsprake houde(n) sal cor(am) pynnock vynck julii xvi