It(em) jan huldeg(ar)den scrij(n)make(r) die alsnu bestaedt heeft gheerde/ sijne(n) sone in sijne(n) broode wesen(de) te wercken(e) ten huyse en(de)/ inden wercke jans vanden vene scrij(n)makers t(er) eende(r) en(de)/ de selve jan vande(n) vene die desselfs jans sone alsoe/ aengenome(n) heeft t(er) ande(r) sijden Sijn come(n) voir scep(enen) va(n)
//
loven(e) kynnen(de) ende lijden(de) dat tselve bestaden en(de) aen neme(n) geschiet/ sijn opde (con)dicien en(de) vorweerden hier nae bescreve(n) die sij malcande(re)n/ gelooft hebben te voldoen(e) en(de) tacht(er)volgen(e) Te weten(e) yerst dat/ de voirs(creven) jan huldeg(ar)den den voirs(creven) g(heer)de sijne(n) sone den voirs(creven) ja(n)ne/ vanden vene laten sal va(n) nu tot kersmisse naistcomen(de) en(de) van/ dan voirtane eene(n) t(er)mijn va(n) vijff ja(r)en lanck due(re)nde sonder/ middel v(er)volgen(de) sond(er) dat hij den selve(n) gheerde bynne(n) dien te/ hemweert sal neme(n) oft bij yemande anders in dit oft ande(r) a(m)bacht/ bestellen oft [en(de) oft] den selve(n) ond(er)wijsen oft doen ond(er)wijsen dat hij vande(n)/ voirs(creven) ja(n)ne vanden vene soude moege(n) sceyden in e(n)nig(er) manie(re)n/ en(de) sijn diligen(cie) en(de) ernstich(eit) doen dat hij blive(n) sal en(de) den selve(n)/ niet ontgaen En(de) t(er) ander(e) sijden sal de voirs(creven) jan vande(n) vene/ den selve(n) gheerde houden in sijne(n) cost en(de) va(n) kersmisse naistco/ men(de) jairlijcx geve(n) den voirs(creven) tijt due(re)nde twee paer schoen/ deen paer gelapt en(de) dand(er) ongelapt En(de) de yerste vier ja(r)en/ sal de voirs(creven) jan den voirs(creven) g(heer)de moege(n) houden alleene opt suyde(n)/ en(de) bynne(n) den lesten ja(r)e sal hij hem leere(n) vergade(re)n en(de) de(n) selve(n)/ gheerde mair twee dage(n) de weke doen snyden dwelc g(heer)t/ gehoude(n) sal sijn te doen(e) cor(am) hove vynck augusti xiii