It(em) claes puts voir hem selven en(de) als man ende mo(m)boir g(er)truyde(n)/ maes sijnd(er) weerdynne(n) natuerlijke docht(er) willems wijlen maes/ die hij hier inne gelooft heeft te v(er)vange(n) in p(rese)ntia heeft gekint/ en(de) gelijt dat hem jan van baussele als p(ro)cur(eur) vanden mo(m)boire(n)/ d(er) wettig(er) kinde(re)n des voirs(creven) wijlen willems volcomelijc/ gelost ende afgequijt heeft mits d(er) so(m)men van liii r(inssche) gulden(en)/ xiii st(uvers) alsulken vijf r(inssche) gulden(en) lijfpen(sien) alse den selven/ clause en(de) sijne(n) wive bij tractate gemaict voir goede mans/ tusschen de selve mo(m)boirs t(er) eende(r) ende den selve(n) clause t(er)/ ande(re) toegevuecht sijn vanden xii r(inssche) gul(den) lijfpen(sien) den selve(n)/ clause en(de) sijne(n) wive bijden voirs(creven) wijlen willem(me) bekint/ voir scepen(en) van loven(e) vand(er) daet xiiii[c] lxxix junii xvii/ die welke xii r(inssche) gulden(en) lijfpen(sien) voirs(creven) gecort sijn ende/ gemynct mits den voirs(creven) tractate tot opde voirs(creven) vijf r(inssche) g(ulden)/ lijfpen(sien) ov(er)mits dien dat den selve(n) clause en(de) sijne(n) wive/ geconsenteert sijn [te versmelten] inde stadt vanden vii r(inssche) gul(den) lijfpen(sien)/ seke(re) restrictien vuege(n) en(de) condicien Dair op hem ald(air)/ oick bekint wordden xv r(inssche) gul(den) erflic soe tselve trac/ taet dat nairde(r) uutwijst den selve(n) wijlen willem(me)/ sijn erfgename(n) en(de) hue(r) goede vande(n) selve(n) vijf r(inssche) g(ulden)/ lijfpen(sien) gelost mette(n) vijftige(n) en(de) allen acht(er)stelle der/ selv(er) gedragen(de) den selve(n) acht(er)stel lxxiii st(uvers) volcomel(ijc)/ q(ui)te(re)nde en(de) quijtscelden(de) Promitt(ens) null(atenus) alloq(ui) s(ed) war(andizare)
//
Heeft voirt gelooft v(er)vangen(de) als vo(r)e sijn weerdynne soe wa(n)neer/ de voirs(creven) momboirs comen sullen willen voir scepen(en) van loven(e)/ en(de) tvoirs(creven) tractaet ald(air) passe(re)n willen dat hij dat oick met/ sijnd(er) weerdynne(n) sal comen passe(re)n cor(am) g(odefrido) berghe nausnydere/ sept(embris) xviii