Nae dien dat voir meye(re) en(de) scepen(en) inde banc alh(ier) tande(re)n/ tijde(n) de wed(uwe) vande(n) bossche beghine als geleyt totten/ goede(n) augustijns vand(er) phalisen briede(r) uut crachte va(n)/ seke(re)n scepen(en) brieve(n) die sij op he(m) hadde spreken(de) te kynne(n)/ heeft gegeve(n) hoe dat sij huer hadde doen leve(re)n ond(er) den/ ande(re)n een pansier wijlen toebehoire(n)de den voirs(creven) augustijne/ welc pansier alsnu hadde een geheete(n) willem vanden/ hove hopen(de) dat huer tselve pansier sculd(ich) wa(r)e te volgen(e)/ en(de) hue(re)n beleyde tot behoef van hue(re)r scult D(air)tegen de voirs(creven)/ willem heeft beg(eer)t geallig(eer)t en(de) doen segge(n) hoe dat hij/ hoopte dat de voirs(creven) wed(uwe) met hue(re)n beleyde en(de) voirt/ stelle v(er)doelt wa(r)e wa(n)t de voirs(creven) augustijn in sijne(n)/ leven(e) tvoirs(creven) pansier v(er)sedt hadde ten huyse linkens van/ papenhove(n) uutsnydeerssen in des(er) stadt mits seke(re)n coma(n)/ scape(n) va(n) laken(e) aen huer gedaen Dair voe(r) de selve katlijne/ tselve pansier uutgewonne(n) hadde en(de) mette(n) rechte vand(er)/ gulde(n) vand(er) drapperien en(de) seke(re)n vo(n)nissen die d(air)op geg(even)/ wa(r)en bijde(n) selve(n) d(air) hijs hem toe gedroech en(de) al voir ende/ eer de voirs(creven) wed(uwe) tselve pansier huer hadde doen leve(re)n en(de) hadde/ alsoe de selve willem tvoirs(creven) pansier tegen linken(e) gecocht nae/ dien dat huer als vo(r)e mette(n) rechte toegevuecht was hopen(de)/ in alsoe v(er)re hij dat gethoene(n) conste en(de) besund(er)t de voirs(creven)/ rechtvorderinge en(de) vo(n)nissen voir de gulde geschiet te sijne/ en(de) al voir hue(r) leveri(n)ge dat hem sijn pansier blive(n) soude/ ongestoert Tot welken thoenisse de voirs(creven) willem t(er) ma
//
nissen smeyers bij scepen(en) gewesen es en(de) nae dien dat hij tot/ eene(n) seke(re)n gelegen(en) dage bij he(m) d(air) toe genome(n) te weten(e) op/ heden als tot eene(n) gecontinueerde(n) dage van rechte tselve/ alsoe genoech gethoent heeft mette(n) boecke d(er) deken(en) dwelc bij/ hue(re)n clerck arnoldu(m) lachma(n) ald(air) geexhibeert wert tende(re)nde/ de voirs(creven) p(ar)tien d(air) nae tot hue(re)r (con)clusien in wed(er)sijden Es/ gewesen t(er) manissen smeyers dat de voirs(creven) wed(uwe) v(er)doelt/ wa(r)e met hue(re)n beleyde aen tvoirs(creven) pansier In scampno oct(obris)/ vi