Nae dien dat op heden inde banc voir meye(re) en(de) scepen(en) van/ loven(e) jan del straye poirte(r) van des(er) stadt mits seke(re)n brieve(n)/ alh(ier) bij hem verworve(n) te kynne(n) heeft gegeve(n) seke(re) onscoude/ mits den welken hij ten dage als hij en(de) de sake tussche(n) hem/ ende henri del halle uutstaen(de) versonde(n) es geweest niet/ en (com)par(eer)de te weten(e) mits seke(re)n brieve(n) ons genad(ichs)[te] he(re)n/ des roomschconi(n)cx d(air) mede hem als offic(ie)r belast wert seke(re)/ executie(n) te doen(e) aengaen(de) d(er) beden en(de) ande(re)n lasten hopen(de)/ mits dien dat hij alhier als poirte(r) in rechte ontfange(n) soude/ wordden opt voldoen vanden costen vande(n) voirs(creven) dage/ als tvoirs(creven) vo(n)nisse va(n) (con)tu(m)acien ov(er) hem ghinck Dair tege(n)/ de voirs(creven) henrick del halle heeft gesustineert nae dien de
//
p(ro)cur(eur) des voirs(creven) ons poirt(er)s de voirs(creven) costen niet bereet en was/ opte leggen(e) seggen(de) dat hijt sijne(n) meest(er) cundige(n) soude dat/ de voirs(creven) poirte(r) mits sijne(n) voirnemen(e) v(er)doolt wa(r)e mits/ den reden(en) nae bescreve(n) Ende yerst want men bevi(n)den/ soude uute(n) brieve(n) des roomsche(n)coni(n)cx dat die wel/ vier oft vijf dage(n) aen hem q(ua)me(n) nae tvoirs(creven) vo(n)nisse alh(ier)/ gewesen hem des gedragen(de) totten date d(er) selv(er) seggen(de)/ dat de voirs(creven) poirte(r) and(er)s niet en sochte dan uutwege(n)/ p(rese)nte(re)nde oic te thoene(n) op dats noot wa(r)e dat de/ voirs(creven) poirte(r) als sijn wed(er)p(ar)tie alh(ier) compar(eer)de ten dage/ vanden vo(n)nisse dat hij geseecht hadde laetten loopen/ te loven(e) weert hij sal noch langhe loope(n) hopen(de) nae/ dien dat de voirs(creven) ontschout niet genoech en was dat/ de voirs(creven) voirvo(n)nisse(n) hue(re)n ganck soude(n) hebben en(de) de/ voirs(creven) poirte(r) met sijne(n) voirtstelle v(er)doelt gewesen/ soude wordde(n) met meer woirde(n) genoech in effecte/ als bove(n) in wed(er)sijde(n) geallig(eer)t Es gewesen t(er) ma/ nissen smeyers dat sij blive(n) bijde voirvo(n)nissen in/ desen gewesen Act(um) in sca(m)pno octobr(is) xi