Item jan vander nat die als possesseur ende besitt(er) vanden/ hove ende goeden ter ledicheyt wijlen toebehoiren(de) (christ)ia(n)ne/ meys gelege(n) inde p(ro)chie van libbeke houden(de) tsame(n) tselve/ hof mette(n) wynnen(de) landen tsame(n) omtri(n)t xxiiii boend(er) de/ bossche(n) omtri(n)t acht boend(er) ende zoe vele beemden dat die/ jairlijx gelden wel xxii r(inssche) g(ulden) met oic div(er)sen chijsen/ dair toehoiren(de) in div(er)sen plaetsen ende stucken aldair heeft/ actie ende recht van te moegen quijte(n) alst hem gelieft/ alsulke(n) sesse mudden ende vier mol(evaten) corens erffpachts/ alse jan hubrechte cleermake(r) voirmaels cocht en(de) gecreech/ opde selve goede tegen den voirs(creven) wijlen (christ)ia(n)ne die die/ dair op hadde behoude(n) elc mudde dair aff met xviii cro(nen)/ te xxiiii stuv(er)s tstuck drie pl(a)c(ken) voir den stuv(er) in p(rese)ncia/ heeft voir hem zijne(n) erve(n) en(de) nacomelinge(n) possess(eurs)/ vand(en) voirs(creven) goeden den voirs(creven) ja(n)ne hubrechts ende sijne(n)/ nacomel(ingen) possesseurs vand(en) voirs(creven) erfpachte quijtgescouwe(n)/ dactie en(de) trecht vand(er) selv(er) lossinge(n) ende quijtingen/ des erffpachte voirs(creven) met sulke(n) d(enieren) te moege(n) doen dair op/ volcomelijc tot behoef vand(en) selve(n) ja(n)ne hubrechts ende/ sijnd(er) nacomelinge(n) worpen(de) renu(n)cie(re)nde en(de) verthiende/ Behalve(n) zoe wa(n)nier de selve vand(er) nat oft zijn na/ comel(ingen) possess(eurs) vand(en) selve(n) ond(er)panden die quijtinge sal/ oft zelen willen doen dat hij oft zij voir elc der selv(er)/ mudden dan den voirs(creven) ja(n)ne hubrechts oft zijne(n) nacomel(ingen)/ actie tott(er) selv(er) erfpacht hebben(de) sal oft zelen moete(n) geve(n)
//
xxi croone inder weerden voirs(creven) en(de) dair toe vollen/ pacht sond(er) and(er)s die quijtinge van dien te moegen/ doen in e(n)nig(er) manie(re)n cor(am) schoenvorst nausnyde(re)/ octobr(is) xxiii