It(em) thomas sgreve(n) de jonge sone thomas sgreve(n) geh(eeten)/ van bleesbeke in p(rese)ntia heeft genome(n) te hebben(e) en(de)/ bekint dat hij genome(n) heeft van ja(n)ne van beert als/ mo(m)boir jouffr(ouwen) katlijne(n) van wynde sijns wijfs wed(uwe)/ jans wijlen vande(n) schelve thoff en(de) en(de) die goede/ desselfs jans he(m) als mo(m)boir sijnd(er) huysvr(ouwen) voirs(creven) toe/ behoiren(de) geheete(n) thoff vanden schelve gelege(n) inde/voirs(creven) p(ro)chie va(n) halen met huyse(n) hove(n) wynnen(de)/ landen beemden eeusselen en(de) ande(re)n hue(re)n toebehoirte(n) gelijc/ thomas de vad(er) des voirs(creven) wynne(n) die ald(air) in pech/ tinge(n) gehoude(n) heeft Te houde(n) te hebben en(de) te wynne(n)/ van halfm(er)te lestleden eene(n) t(er)mijn va(n) zesse ja(r)en/ lang v(er)volgen(de) Elcx jairs dae(re)nbynne(n) om en(de) voe(r)/ viventwintich mudden rogs goets en(de) payabels met
//
wanne en(de) vede(re)n wael bereyt d(er) mate(n) van diest te/ sinte andriesmisse apostels te betalen en(de) te diest te leve(re)n/ En(de) voirts de voirs(creven) beemde en(de) eeussele voir en(de) om neghen/ en(de) twintich gulden(en) tweelf stuv(er)s d(er) mu(n)ten tshertoge(n) va(n)/ bourg(oign)[en] en(de) va(n) braba(n)t voir elken guld(en) gerekent deen/ helicht tsint jansmisse baptiste(n) en(de) dand(er) helicht tsinte/ m(er)tensmisse te betalen(e) alle ja(r)e den voirs(creven) t(er)mijn due(re)nde/ en(de) telken t(er)mijne als v(er)volchde schout Met vorweerde(n)/ dat de voirs(creven) wynne sal jairlijcx leve(re)n en(de) doen ver/ decken int voirs(creven) hof twee hond(er)t walme(re)n en(de) als/ men die verdect soe sal hij den wercliede(n) den mont/ cost gheve(n) en(de) die voirs(creven) jan die dachue(re)n en(de) vand(er)/ underster rijckelen ned(er)weert sal de voirs(creven) wynne/ de huysinge houden wel en(de) loflijc op sijne(n) cost En(de)/ als men d(air) yet van nyeus ty(m)mert soe sal hij thout/ halen al ru en(de) bringe(n) int voirs(creven) hoff en(de) dair voe(r)/ sal hij hebben den tsop en(de) den ande(re)n afval It(em) sal de/ voirs(creven) jan hebben alst hem gelieft tsijne(n) orbo(r)e een came(r)/ staen(de) bove(n) de groote ned(er)came(r) en(de) jairlijcx half dooft/ welc helicht de wynne hem leve(re)n sal te loven(e) oft/ alsoe v(er)re alse loeven van d(air) es Item sal de voirs(creven)/ wynne hebben half de duyven vanden duyfhuyse ald(air)/ en(de) des sal hijse vynden vuede(n) en(de) verware(n) It(em) sal de/ voirs(creven) wynne de voirs(creven) lande wynne(n) werve(n) ende/ mesten gelijck reengenoote(n) bove(n) en(de) beneden en(de) die/ jairlijcx mergelen met sesse voeder lynthers merghels/ It(em) sal de voirs(creven) wynne jairlijcx hebben en(de) doen maken/ t(er) mynst(er) scaden opde voirs(creven) goede vijf hondert mutsarts/ alsulcx alsmen dair omtri(n)t meest gewoenlijc es te maken/ en(de) alle weechout alsoe v(er)re thafteel gegeve(n) heeft/ sal de voirs(creven) wynne moege(n) houwen om d(air) mede die/ goede te bevreden en(de) alle verdroechde bome(n) sal hij oic/ hebben en(de) voir elken setten twee poete(n) vanden selven/ arde en(de) de grechte(n) en(de) wat(er)loope(n) sal hij tsijne(n) afsceyde(n)/ laten gelijck hij die vandt tsijne(n) aencome(n) en(de) hij sal ov(er)/ tijt houden bynne(n) den voirs(creven) hove een cudde schapen/ alsoe groot alsmen op tgoet vuechlic gehouden can Voirt/ soe heeft de voirs(creven) wynne genome(n) vanden selve(n) ja(n)ne
//
en(de) bekint genome(n) te hebben een eeussel geheete(n) dlangeeusel/ en(de) den beemd geheete(n) le(m)mekens beemd beyde omtri(n)t en(de) neve(n)/ den voirs(creven) hove gelege(n) Te houde(n) en(de) te hebben den voirs(creven)/ t(er)mijn due(re)nde te weten(e) tvoirs(creven) langheeusel jairlijcx/ voir xx der voirs(creven) gulden(en) en(de) den voirs(creven) le(m)mekens/ beemt voir en(de) om twintich licht(er) gulden(en) thien stuv(er)s/ goet en(de) ghinge voir elken guld(en) gerekent deen helicht/ tsint jansmisse en(de) dand(er) helicht s(in)[te] m(er)tensmisse te/ betalen(e) alle ja(r)e den voirs(creven) t(er)mijn due(re)nde en(de) telken/ t(er)mijne als v(er)volchde schout Met vorweerde(n) dat hij/ de grechte(n) aen tvoirs(creven) lang eeussel en(de) le(m)mekens beemt/ gelege(n) sal laten tsijne(n) afsceyden gelijck hij die vant tsijne(n)/ aencomen(e) It(em) sal de voirs(creven) jan den voirs(creven) sijne(n) wynne/ tallen twee ja(r)en vande(n) voirs(creven) t(er)mijne gheve(n) een tab/ baert laken des sal hij wed(er)o(m)me den voirs(creven) ja(n)ne alsoe/ vele geriefs en(de) diensts doen als dat gedrage(n) mach/ En(de) alle dese vorweerde(n) (con)dicien en(de) geluften voirs(creven) hebbe(n)/ gelooft de voirs(creven) p(ar)tien malcande(re)n vast en(de) te gestentich/ te houde(n) en(de) volcomelic te voldoene tallen tijden en(de)/ t(er)mijne(n) alse die valle(n) en(de) v(er)schijne(n) sulle(n) en(de) telken t(er)mijne/ als v(er)volchde schout En(de) hier voe(r) sijn borge(n) des/ voirs(creven) wynne(n) alse p(ri)ncipael sculde(re)n (et)c(etera) arnt en(de) henr(ick)/ sgreve(n) gebruede(re)n des voirs(creven) thomas henrick vand(er)/ eect sone wijlen willems wonen(de) t(er) donct jan vande(n)/ rijse(re) sone wijlen jans wonen(de) ond(er) cortenaken en(de)/ wout(er) va(n) yngelbeke wonen(de) omtri(n)t diest En(de)/ heeft de voirs(creven) wynne gelooft de voirs(creven) sijn borghen/ van des voirscr(even) steet scadeloos te houde(n) en(de) tontheffen(e)/ It(em) sal de voirs(creven) wynne jairlijcx den voirs(creven) t(er)mijn/ due(re)nde leve(re)n den voirs(creven) ja(n)ne tot sijne(n) huyse tot loven(e)/ xii kesen en(de) xii pont boete(re)n cor(am) scoenvorst vynck/ julii x