Alsoe als vranck van oestvorst drossete van west(er)le met/ brieve(n) vand(er) stat ten v(er)sueke henricx goets al(ia)s boscharts sinte/ pet(er)sman v(er)socht es geweest tontraste(re)n seke(re) erfgoede gelegen/ te west(er)le voirs(creven) den selve(n) sinte pet(er)sman toebehoiren(de) gerasteert/ voir pontpe(n)ni(n)gen va(n) dat die goede bijde(n) selve(n) henr(icke) v(er)cocht/ soude(n) sijn geweest ja(n)ne sijne(n) brued(er) die d(air)aff in besitte was/ Bege(re)nde de selve drossete mits dien inde banc voir/ meye(re) en(de) sinte pet(er)sma(n)nen alh(ier) trenvoy vand(er) saken gemerct/ dat pontpe(n)ni(n)gen en(de) alsoe gronde va(n) erve aenghinck/ dair aff hem sinte pet(er)sman niet en conste bevrijde(n) soe hij/ meynde Vande(n) welcken sinte pet(er)sman de (contra)rie met sijne(n)/ gelev(er)den voirspreke sustin(eer)de te voirde(ren) want men niet/ bevi(n)den en soude dat d(air)aff e(n)nige coma(n)scap oft v(er)cope(n)/ was geschiet ende al mocht sijn brued(er) dat goet houden/ dair bij en bleeck niet dat sijn erfgoede wa(r)en Dair/ tege(n) de drossete bij sijne(n) p(ro)cur(eur) exhibeerde eene sekere/ certificatie van twee scepen(en) va(n) west(er)le hoe men ald(air)
//
van v(er)thieringe(n) van erfgoeden van pontpe(n)ni(n)gen betailt van xl/ pe(n)ni(n)gen drie dat voirt geclaert was voir de beste conde/ dat jan goets voirs(creven) dit goet gebruycken(de) was als voir sijn/ p(ro)pe(re) erve welc hij gecocht hadde tegen henricke sijne(n) brued(er) voirs(creven)/ Bij desen tendeerde hij als vo(r)e totte(n) renvoye Es gewijst bijde(n)/ he(re)n sinte pet(er)sma(n)nen t(er) manissen smeyers dat sij die sake en(de)/ p(ar)tien va(n) desen re(n)voyeerden t(er) bancken rechte cor(am) eisd(em)